Osy jyldyń 30 naýryzyndaǵy jaǵdaı boıynsha elordada áleýmettik turǵyn úı alýǵa kezekte 40 878 azamat tur, dep habarlaıdy Astana ákimdiginiń resmı saıty.
Jetim balalar, ata-anasynyń qamqorlyǵynsyz qalǵan balalar sanattary boıynsha kezekte tur;
– "Altyn alqa", "Kúmis alqa" alqalarymen nagradtalǵan nemese buryn "Batyr ana" ataǵyn alǵan, sondaı-aq I jáne II dárejeli "Ana dańqy" ordenderimen nagradtalǵan kóp balaly analar, kóp balaly otbasylar;
- halyqtyń áleýmettik osal toptary;
- memlekettik qyzmetshiler, bıýdjettik uıymdardyń qyzmetkerleri, áskerı qyzmetshiler;
- Qazaqstan Respýblıkasynyń zańnamasynda belgilengen tártippen jalǵyz turǵyn úıi apatty dep tanylǵan azamattar.
2024 jyly elordanyń turǵyn úı jáne turǵyn úı ınspekııasy basqarmasy 3 382 páter, onyń ishinde halyqtyń áleýmettik osal toptary men kópbalaly otbasylar úshin satyp alý quqyǵynsyz jalǵa beriletin turǵyn úı baǵdarlamasy; jumys isteıtin jastar úshin kredıttik turǵyn úı; satyp alý quqyǵynsyz jalǵa beriletin turǵyn úı; "Elorda jastary" óńirlik baǵdarlamasy sheńberinde berýdi josparlap otyr.
Búgingi tańda atalǵan páterlerdiń 1 342-si bólindi. Esterińizge sala keteıik, elordada eski turǵyn úılerdi jańartý baǵdarlamasy aıasynda apatty úılerdi buzý jáne elorda turǵyndaryn jańa turǵyn úıge kóshirý qarastyrylǵan. 2024 jyly 60 apatty úıdiń turǵyndary 1400 páterge kóshiriledi, ıaǵnı elordanyń 4200-ge jýyq turǵyny jańa turǵyn úımen qamtamasyz etiledi.
