20 qyrküiek künı Astanada Esıl audanynda audan äkımdıgınıŋ ūiymdastyruymen senbılık öttı. Onyŋ aiasynda 700-ge juyq aǧaş – qaraǧaş, iva, topol, siren jäne emen köşetterı otyrǧyzyldy.
Taŋerteŋ bastalǧan şaraǧa audan tūrǧyndary, sportşylar, mūǧalımder men oquşylar belsendı qatysty. Olar tabiǧatty qorǧauǧa, tuǧan jerın kögaldandyruǧa üles qosyp, bolaşaq ūrpaq üşın jasyl beldeu qalyptastyrudy maŋyzdy dep atap öttı.
Audan äkımdıgınıŋ inspektory Ormanbaev Nariman şaranyŋ maŋyzdylyǧyna toqtalyp:
«700-ge juyq aǧaş otyrǧyzu josparda bolǧan, bügın sol jospar jüzege asyryldy. Būl aumaq kezdeisoq taŋdalǧan joq – tūrǧyndardan jyl saiyn jasyl jelekke qatysty köptegen ötınış tüsedı. Sondyqtan mūnda arnaiy jasyl aimaq jasaluda. Sonymen qatar bügın Orynbor köşesınde, Türkıstan köşesınde de aǧaş otyrǧyzu jūmystary jürıp jatyr. Qazan aiynda botanikalyq saiabaqqa da aǧaş otyrǧyzu josparymyz bar. Eŋ bastysy – tūrǧyndardyŋ belsendılıgı quantady. Sportşylar, mūǧalımder, oquşylarǧa deiın kelıp, öz qoldarymen kömektesıp jatyr», – dedı.
Şaraǧa qatysqan audan tūrǧyny Şakirov Edılbai da äserımen bölıstı:
«Äkem marqūm ormanşy bolǧan, sol sebeptı tabiǧatqa jaqyn östım. Bügıngı aǧaş otyrǧyzu şarasy – öte igı bastama. Būl balalarymyzdyŋ bolaşaǧyna, özımızdıŋ demalysymyzǧa paidaly. Tabiǧatty qorǧau – ärbırımızdıŋ boryşymyz», – dedı ol.
Taǧy bır tūrǧyn, osy Prigorodnyi möltek audanynyŋ tūrǧyny, öz rizaşylyǧyn bıldırıp:
«Audanymyz kün saiyn körkeiıp keledı. Äkımşılıkke alǧysymyz şeksız. Qanşama qyruar jūmystar atqarylyp jatyr, köşelerımız jasyl jelekke oranyp, auylymyzdyŋ sänı artyp keledı. Tıptı ormannyŋ ışınde jürgendei äser alamyz. Mūndai jūmystardyŋ paidasy öte zor: bırınşıden, auamyz tazarady, ekınşıden, közımız toiady, köŋılımız köterıledı. Men özım qazır zeinettemın, ekı nemerem bar. Solardyŋ bolaşaǧy üşın osyndai bastamalarǧa qoldau körsetıp, öz ülesımızdı qosyp jürgenımızge quanamyz. Būl – är adamnyŋ mındetı: üi soǧyp qana qoimai, tal egıp, tabiǧatqa qamqor bolu. Qazır avtobuspen ötıp bara jatyp-aq jasyldanǧan köşelerdı körıp, ülken qalaǧa kırgendei äser alamyz. Osy parktıŋ ışınde demalyp otyrǧannyŋ özı bır ǧanibet. Jan-jaǧymyzda tūratyn barlyq körşılerımız de rizaşylyqtaryn bıldırıp jür. Bärımız bırıgıp osyndai igı ıske qatysyp jatqanymyzdy maqtan etemız», – dedı.
Aǧaştar otyrǧyzylǧan aumaqqa suaruǧa arnalǧan ydystar daiyndaldy. Köşetterdıŋ ärı qarai kütımı jasalyp, uaqytyly suarylyp tūratyndyǧy qadaǧalanady.
Osyndai senbılıkter Astananyŋ ekologiialyq jaǧdaiyn jaqsartyp qana qoimai, tūrǧyndardyŋ tabiǧatty aialau mädenietın arttyruǧa yqpal etude.
