Aqmola oblysynyŋ on myŋdaǧan tūrǧyny Düniejüzılık tazalyq künı (World Cleanup Day) aiasynda ūiymdastyrylǧan auqymdy ekologiialyq aksiiaǧa qatysty. İgı bastamaǧa qala tūrǧyndarymen qatar auyl halqy da belsendı atsalysty.
Aksiia barysynda aqmolalyqtar qoǧamdyq aumaqtardy tazalap, äleumettık nysandardyŋ maŋyn abattandyrdy. Ekologiialyq ıs-şara «Taza Qazaqstan» jalpyūlttyq baǧdarlamasy aiasynda öttı.
Aqköl qalasynda ötken aksiiaǧa qatysqan Aqmola oblysynyŋ äkımı Marat Ahmetjanov ekologiialyq mädeniet kündelıktı ömır saltynyŋ maŋyzdy bölıgıne ainalyp kele jatqanyn atap öttı.
««Taza Qazaqstan» bastamasy – būl tek köşelerdı tazalau, aumaqtardy abattandyru jäne aǧaş otyrǧyzu ǧana emes. Būl, eŋ aldymen, är adamnyŋ qorşaǧan ortaǧa, öz qalasyna, auylyna jäne tuǧan jerıne degen jauapkerşılıgı. Taza Qazaqstan – būl tek taza köşeler men qalalar emes. Būl – oiymyzdyŋ, nietımızdıŋ jäne ısımızdıŋ tazalyǧy. Bügınde atqarylǧan jūmystardyŋ naqty nätijesın körıp otyrmyz: aumaqtar abattandyrylyp, jaŋa qoǧamdyq keŋıstıkter paida bolyp, qalalar men auyldar körkeiıp keledı», – dedı Marat Ahmetjanov.
Ekologiialyq aksiia aiasynda tūrǧyndar köşeler men aulalardy qoqystan tazartyp qana qoimai, auqymdy kögaldandyru jūmystaryna da qatysty.
Öŋırdıŋ jasyl jelek qory qaraǧai, şyrşa, terek, qaiyŋ, üieŋkı, balqaraǧai, emen, jabaiy alma jäne basqa da baǧaly aǧaş-būta türlerımen tolyqty. Aksiia barysynda barlyǧy 5 myŋǧa juyq köşet otyrǧyzyldy.
Jergılıktı ekoaktivisterdıŋ aituynşa, aumaqtardy tazalau men kögaldandyru jūmystaryn qatar jürgızu qorşaǧan ortanyŋ tazalyǧyn saqtap qana qoimai, aldaǧy jyldarǧa qolaily ekologiialyq jaǧdai qalyptastyruǧa mümkındık beredı.
Aita keteiık, kögaldandyru jūmystary oblysta ekologiialyq baǧyttaǧy tūraqty şaralardyŋ bırı bolyp otyr. Jyl basynan berı öŋırde 2,8 myŋ gektar aumaqqa 16 millionǧa juyq aǧaş otyrǧyzyldy.
