Su qoimasynyŋ janynda senbılık öttı

Elordalyq QHA men ükımettık emes ūiymdar su qoimasynyŋ jaǧalauynda senbılık ötkızdı, dep habarlaidy “Adyrna”.  Astana qalasy Qazaqstan halqy Assambleiasy men ükımettık emes ūiymdar bırlesıp su qoimasynyŋ jaǧalauynda tazalyq senbılıgın ötkızdı, dep habarlady elorda äkımdıgınıŋ resmi saity. Atalǧan ıs-şaraǧa «Lider», «Asar – Saryarqa» jäne «Jaqsylyq arifmetikasy» qoǧamdyq bırlestıkterınıŋ müşelerı belsene atsalysty. Erıktıler qoldaryna kürek-tyrmalary men qaptaryn alyp, su qoimasynyŋ jaǧalauyn boilai jürıp, aiaq astynda jatqan ärtürlı qoqystardy jinastyrdy. «Özara aqyldasyp, keŋese kele ekologiialyq aumaqtardyŋ ışınen osy jerdı taŋdadyq. Özımız su ışıp otyrǧan su qoimasynyŋ ainalasy ainadai taza bolǧanyn qalaimyz», – dedı «Jaqsylyq arifmetikasy» qoǧamdyq bırlestıgınıŋ jetekşısı Ūljan Myrzageldieva. Onyŋ aituynşa, mūndai senbılıkterge köktem mausymynan bastap atsalysyp keledı. «Asar – Saryarqa» qoǧamdyq bırlestıgınıŋ müşesı Guzel Berdeş te jylyna bır ret bolsa da tazalyq aksiialaryna qatysyp tūratyndyqtaryn aitty. Al su qoimasynyŋ maŋynyŋ ainalasy aitarlyqtai taza boluyna jergılıktı tūrǧyndar da üles qosyp keledı eken. Olar demaluǧa kelgenderdıŋ keibırı otyrǧan ornyn tazalamai ketıp jatatynyna renışın bıldırdı. Senbılıkke qatysuşylar Astanalyq su qoimasynyŋ maŋynda 2-3 saǧat tazalyq jūmysyn jürgızıp, bırneşe qap qoqys jinap, ainalany mūntazdai ettı.