"كروكۋس سيتي حولل" كونتسەرت زالىنداعى تەراكتىگە قاتىستى توعىزىنشى ادام انىقتالدى، دەپ حابارلايدى "ادىرنا" ءتىلشىسى.
Mash تەلەگرام ارناسىندا تەراكتىگە قاتىسى بار دەگەن كۇدىكپەن تاجىكستاننىڭ تاعى ءبىر ازاماتى ۇستالعان.
نازريماد لۋتفۋللا ەسىمدى ازامات تاجىكستاندا جوعارى ءبىلىم الىپ، رەسەيدە قۇرىلىسشى بولىپ جۇمىسقا ورنالاسقان.
بەيرەسمي دەرەكتەردە، ول قايعىلى وقيعادان بىرنەشە كۇن بۇرىن جۇمىستان شىعىپ كەتكەن. ول رەسەيدە ءبىر جىل تۇرعان، بۇرىن سوتتالماعان.
تەلەگرام ارنانىڭ حابارلاۋىنشا، لاڭكەستىك ارەكەتتەن بىرنەشە كۇن بۇرىن ول جالدامالى پاتەرىنەن شىعىپ، جاتاقحاناعا ورنالاسقان. سونداعى بولمەلەستەرىنە 30 مىڭ رۋبلگە بەلگىلى ءبىر تولىق ەمەس جۇمىس كۇنى تۋرالى ايتقان.
ماسكەۋدىڭ باسمان اۋداندىق سوتى تاجىكستان تۋماسى نازريماد لۋتفۋللا 2024 جىلدىڭ 22 مامىرىنا دەيىن قاماۋعا الدى. ماسكەۋ تۇبىندەگى كروكۋس سيتي حوللداعى لاڭكەستىك ءىس بويىنشا توعىزىنشى ايىپتالۋشى ءوز كىناسىن ءىشىنارا عانا مويىندادى.
24 جاستاعى جىگىت ءومىر بويىنا باس بوستاندىعىنان ايىرىلۋى مۇمكىن.
