"Krokýs Sıtı Holl" konert zalyndaǵy teraktige qatysty toǵyzynshy adam anyqtaldy, dep habarlaıdy "Adyrna" tilshisi.
Mash telegram arnasynda teraktige qatysy bar degen kúdikpen Tájikstannyń taǵy bir azamaty ustalǵan.
Nazrımad Lýtfýlla esimdi azamat Tájikstanda joǵary bilim alyp, Reseıde qurylysshy bolyp jumysqa ornalasqan.
Beıresmı derekterde, ol qaıǵyly oqıǵadan birneshe kún buryn jumystan shyǵyp ketken. Ol Reseıde bir jyl turǵan, buryn sottalmaǵan.
Telegram arnanyń habarlaýynsha, lańkestik áreketten birneshe kún buryn ol jaldamaly páterinen shyǵyp, jataqhanaǵa ornalasqan. Sondaǵy bólmelesterine 30 myń rýblge belgili bir tolyq emes jumys kúni týraly aıtqan.
Máskeýdiń Basman aýdandyq soty Tájikstan týmasy Nazrımad Lýtfýlla 2024 jyldyń 22 mamyryna deıin qamaýǵa aldy. Máskeý túbindegi Krokýs Sıtı Holldaǵy lańkestik is boıynsha toǵyzynshy aıyptalýshy óz kinásin ishinara ǵana moıyndady.
24 jastaǵy jigit ómir boıyna bas bostandyǵynan aıyrylýy múmkin.
