Özbekstan prezidentı Şavkat Mirziioev Täjıkstan prezidentı Emomali Rahmon soŋǧy jyldary qarqyndy damyp kele jatqan özbek-täjık yntymaqtastyǧyn jaŋa deŋgeige köteretın maŋyzdy qadam jasady. Şavkat Mirziioevtıŋ Duşanbege sapary barysynda ekı el basşysy bırlesken 10 önerkäsıptık kooperasiia jobasynyŋ ıske qosyluyna qatysyp, ekonomikalyq ärıptestıktı tereŋdetuge baǧyttalǧan auqymdy kelısımderge qol qoidy, dep habarlaidy “Adyrna”.
Jaŋa jobalar ekı eldıŋ öndırıstık äleuetın arttyruǧa jäne özara sauda-ekonomikalyq bailanystardy nyǧaituǧa baǧyttalǧan. Atap aitqanda, jihaz jäne bylǧary önımderın şyǧaratyn käsıporyndar qūru, tūrmystyq tehnika öndırısın keŋeitu, Täjıkstan aumaǧynda toqyma öndırısın damytu közdelıp otyr. Sonymen qatar, Taşkentte tūrǧyn üi keşenderı men sauda nysandary salynyp, Ferǧana oblysynda konservı önımderın şyǧaru jolǧa qoiylady.
Önerkäsıptık baǧytpen qatar, agroönerkäsıp salasy da nazardan tys qalǧan joq. Ändıjan oblysynda süt önımderın öndıru, al Surhandariia oblysynda jemıs şyryndary men metall briketterın şyǧaru jobalary ıske qosyldy. Būl bastamalar öŋırlerdegı öndırıs kölemın ūlǧaityp, jaŋa jūmys oryndaryn aşuǧa mümkındık beredı.
Kelıssözder nätijesınde taraptar strategiialyq ärıptestık pen odaqtastyq qatynastardy nyǧaitu turaly bırlesken mälımdeme qabyldady. Sondai-aq ükımetaralyq jäne vedomstvoaralyq deŋgeide bırqatar qūjattarǧa qol qoiylyp, sauda ainalymyn arttyru, önerkäsıptık kooperasiiany damytu jäne zamanaui sifrlyq şeşımderdı engızu mäselelerı qamtyldy. Atap aitqanda, tauarlardyŋ şyǧu tegın elektrondy sertifikattau jüiesın engızu jäne «E-Permit» jüiesın paidalanu josparlanyp otyr.
Būdan bölek, densaulyq saqtau, ǧylym jäne şekara maŋyndaǧy radiojiılıkterdı retteu salalarynda da yntymaqtastyqty keŋeitu turaly kelısımderge qol jetkızıldı. Ekı el 2026–2028 jyldarǧa arnalǧan bırqatar baǧdarlamalar men «jol kartalaryn» bekıtıp, önerkäsıp, innovasiia, tau-ken öndırısı, turizm, auyl şaruaşylyǧy jäne mädeni-gumanitarlyq bailanystardy damytuǧa basymdyq berdı.
Sapar aiasynda simvoldyq maŋyzy bar taǧy bır oqiǧa oryn aldy — Jaŋa Taşkent qalasyndaǧy köşelerdıŋ bırıne Duşanbe qalasynyŋ atauy berıldı. Būl ekı halyq arasyndaǧy dostyq pen özara qūrmettıŋ belgısı retınde baǧalanuda.
Sarapşylardyŋ pıkırınşe, soŋǧy jyldary Özbekstan men Täjıkstan arasyndaǧy ekonomikalyq bailanystar aitarlyqtai nyǧaiǧan. Mäselen, 2025 jyly ekı el arasyndaǧy tauar ainalymy 718,3 mln AQŞ dollaryna jetıp, bır jyl ışınde 22,5%-ǧa ösken. Būl körsetkışter ekıjaqty yntymaqtastyqtyŋ tūraqty ösım traektoriiasynda ekenın körsetedı.
Jalpy alǧanda, ıske qosylǧan jaŋa jobalar men qol qoiylǧan kelısımder Ortalyq Aziiadaǧy öŋıraralyq integrasiiany küşeitıp, ekı eldıŋ ekonomikalyq damuyna serpın beredı dep kütılude.
