ازەربايجان مەن ارمەنيا شەكاراسىندا ءتۇرلى قوزعالىستار بايقالۋدا، دەپ حابارلايدى "ادىرنا" ءتىلشىسى ازەربايجان قورعانىس مينيسترلىگىنىڭ رەسمي سايتىنا سىلتەپ.
سوڭعى ۋاقىتتا ەكى ەل اراسىندا ءارتۇرلى باعىتتا ادام كۇشىنىڭ، بروندى تەحنيكانىڭ، ارتيللەريالىق قوندىرعىلاردىڭ، سونداي-اق باسقا دا اۋىر اتىس قارۋلارىنىڭ شوعىرلانۋى جانە ارمەنيا قارۋلى كۇشتەرى اسكەرلەرىنىڭ قارقىندى قوزعالىسى بايقالدى.
ارمەنيادا ءازىربايجاندى سوعىسپەن قورقىتقان رەۆانشيستتىك كۇشتەردىڭ كۇشەيۋى بايقالدى.
ازەربايجان بيلىگى اقپارات كەڭىستىگىندە جاعدايدى شيەلەنىستىرۋگە باعىتتالعان جالعان اقپاراتتاردىڭ تارالىپ جاتقانىن ايتادى.
"ارمەنيا قارۋلى كۇشتەرىنىڭ ازىربايجانعا قارسى كەز كەلگەن اسكەري ارانداتۋشىلىق ارەكەتىن ءازىربايجان ارمياسى تۇبەگەيلى باسىپ تاستايتىنىن ەسكەرتەمىز. جاعدايدىڭ شيەلەنىسۋىنە جانە ىقتيمال ارانداتۋشىلىققا بارلىق جاۋاپكەرشىلىك تولىعىمەن ارمەنيا مەن ونىڭ مەتسەناتتارىنا جۇكتەلەتىنىن تاعى دا مالىمدەيمىز", - دەلىنگەن قورعانىس مينيسترلىگىنىڭ حابارلاماسىندا.
