بۇگىن تاتارستان اۋماعىنا العاش رەت شابۋىل جاسالدى، دەپ حابارلايدى "ادىرنا" ۇلتتىق پورتالى Mash تەلەگرامم ارناسىنا سىلتەپ.
تاتارستان باسشىسى رۋستام ميننيحانوۆ Telegram-كانالىندا حابارلانعانداي، الابۇعادا زارداپ شەككەندەر بار.
ۋكراينا قاۋىپسىزدىك كوميتەتىنىڭ باس باسقارماسى تاتارستاننىڭ «الابۇعا» دەپ اتالاتىن ارنايى ەكونوميكالىق ايماعىنا كاميكادزە دروندار ارقىلى سوققى جاسادى. الەۋمەتتىك جەلىدە تاراعان ۆيدەودا شابۋىلعا جارىلىس قۋاتى كۇشتى دروندار قولدانىلعانىن كورۋگە بولادى.
ۋكراينا تاراپى شابۋىل تاتارستاننىڭ «الابۇعاسىندا» ورنالاسقان «Shahed» دروندارىن قۇراستىراتىن زاۋىتقا جاسالعانىن ايتادى.
ال رەسەي تارابىنىڭ مالىمەتىنشە، بۇگىنگى سوققىدان جەتى ادام زارداپ شەككەن، ولاردىڭ ۇشەۋى اۋرۋحاناعا جاتقىزىلعان.
"سوققى «الابۇعامەن» قاتار «نيجەكامسكى» تەحنولوگيالىق وندىرىسىنە دە جاسالعان", - دەلىنگەن بەيرەسمي دەرەكتەردە.
تاتارستانعا شابۋىل جاساعان درونداردىڭ قايدا جاسالعانى ايتىلماعان.
سوققى جاسالعان نىسان ۋكراينا شەكاراسىنان 1000 شاقىرىم قاشىقتىقتا ورنالاسقانىن ايتادى. «Washington Post-قا» بەرگەن سۇحباتىندا ۋكراينا پرەزيدەنتى زەلەنسكي:
«ءبىز وزىمىزدە بار درونداردى قولدانىپ جاتىرمىز. جانە ەشكىمنىڭ بىزگە نەنى سوققىلاۋعا بولادى، نەنى بولمايدى دەپ نۇسقاۋعا قاقىسى جوق. ءبىز جاۋدىڭ كەز كەلگەن نىسانىنا سوققى بەرۋگە قاقىلىمىز»، - دەپ سويلەگەن بولاتىن.
تەلەگرامم ارنانىڭ مالىمەتىنشە، تاڭعى التىلار شاماسىندا قالاعا جاقىن ورنالاسقان الابۇعا ارنايى ەكونوميكالىق ايماعىندا بولعان جارىلىس زاۋىت پەن جاتاقحاناعا سەزىلگەن. الدىن الا مالىمەت بويىنشا، زارداپ شەككەندەر بار.
