Bügın Tatarstan aumaǧyna alǧaş ret şabuyl jasaldy, dep habarlaidy "Adyrna" ūlttyq portaly Mash telegramm arnasyna sıltep.
Tatarstan basşysy Rustam Minnihanov Telegram-kanalynda habarlanǧandai, Alabūǧada zardap şekkender bar.
Ukraina Qauıpsızdık Komitetınıŋ Bas basqarmasy Tatarstannyŋ «Alabūǧa» dep atalatyn arnaiy ekonomikalyq aimaǧyna kamikadze drondar arqyly soqqy jasady. Äleumettık jelıde taraǧan videoda şabuylǧa jarylys quaty küştı drondar qoldanylǧanyn köruge bolady.
Ukraina tarapy şabuyl Tatarstannyŋ «Alabūǧasynda» ornalasqan «Shahed» drondaryn qūrastyratyn zauytqa jasalǧanyn aitady.
Al Resei tarabynyŋ mälımetınşe, bügıngı soqqydan jetı adam zardap şekken, olardyŋ üşeuı auruhanaǧa jatqyzylǧan.
"Soqqy «Alabūǧamen» qatar «Nijekamskı» tehnologiialyq öndırısıne de jasalǧan", - delıngen beiresmi derekterde.Tatarstanǧa şabuyl jasaǧan drondardyŋ qaida jasalǧany aitylmaǧan. Soqqy jasalǧan nysan Ukraina şekarasynan 1000 şaqyrym qaşyqtyqta ornalasqanyn aitady. «Washington Post-qa» bergen sūhbatynda Ukraina prezidentı Zelenskii:
«Bız özımızde bar drondardy qoldanyp jatyrmyz. Jäne eşkımnıŋ bızge nenı soqqylauǧa bolady, nenı bolmaidy dep nūsqauǧa qaqysy joq. Bız jaudyŋ kez kelgen nysanyna soqqy beruge qaqylymyz», - dep söilegen bolatyn.Telegramm arnanyŋ mälımetınşe, taŋǧy altylar şamasynda qalaǧa jaqyn ornalasqan Alabūǧa arnaiy ekonomikalyq aimaǧynda bolǧan jarylys zauyt pen jataqhanaǧa sezılgen. Aldyn ala mälımet boiynşa, zardap şekkender bar.
Ūqsas jaŋalyqtar
