شەكارا قىزمەتىنىڭ بۇرىنعى اسكەري قىزمەتكەرىنە قاتىستى سوتالدى تەرگەۋ امالدارى جۇرگىزىلىپ جاتىر، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
ىشكى ىستەر مينيسترلىگى اسكەري قىزمەتكەرگە قاتىستى پەدوفيليا بويىنشا سوتالدى تەرگەۋ ءجۇرىپ جاتقانىن راستادى.
"2024 جىلعى 29 ناۋرىزدا اسكەري قىزمەتشىنىڭ ارەكەتى قىلمىستىق كودەكستىڭ 122-بابى 1-بولىگى "ون التى جاسقا تولماعان اداممەن جىنىستىق قاتىناس نەمەسە سەكسۋالدىق سيپاتتاعى وزگە دە ارەكەتتەر جاساۋ" بويىنشا كۆاليفيكاتسيالاندى. 30 ناۋرىزدا كۇدىكتىگە قاتىستى سوتتىڭ سانكتسياسى بويىنشا قاماۋعا الۋ بۇلتارتپاۋ شاراسى قولدانىلدى", - دەپ حابارلادى قۇزىرلى ورگان.ۇقك اسكەري قىزمەتكەردىڭ جۇمىستان بوساتىلعانىن ءمالىم ەتتى.
"ازامات ك. جۇرگىزىلگەن قىزمەتتىك تەكسەرۋ ناتيجەلەرى بويىنشا، جۇمىسقا كەلمەۋ دەرەگىمەن اسكەري قىزمەتتەن بوساتىلدى", - دەپ حابارلادى ۇقك.ەسكە سالا كەتەيىك، 2024 جىلدىڭ 2 ناۋرىزىندا شەكارا ءبولىمىنىڭ پودپولكوۆنيگى نۇرقادام كەرىمقۇلوۆتىڭ پەدوفيلياعا قاتىسى بار دەگەن كۇدىكپەن ۇستالعانى تۋرالى حابارلاما كەلىپ تۇسكەن بولاتىن.
ۇقساس جاڭالىقتار
