سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ اقتوبە وبلىسىنا باردى، دەپ حابارلايدى "ادىرنا" ۇلتتىق پورتالى.
مينيستر ايماقتاعى سۋ قويماسىن ارالادى. ايتۋىنشا، ەكى كۇندە ۋچاسكەدە 200 ميلليون تەكشە مەتردەن استام سۋ جينالدى. «قازگيدرومەت» بولجامى بويىنشا، وعان تاعى 210 ميلليون تەكشە مەتر، قارعالى سۋ قويماسىنا 180 ميلليون تەكشە مەتر ءتۇسۋى كەرەك.
"قازسۋشار» رمك، جەرگىلىكتى اتقارۋشى ورگاندار مەن توتەنشە جاعدايلار دەپارتامەنتىنىڭ قىزمەتكەرلەرى بىرلەسە جۇمىس ىستەپ، تاسقىن سۋىن قاۋىپسىز وتكىزۋدى قامتاماسىز ەتتى. ءبىز سۋ قويمالارىنىڭ جۇمىس كەستەسىن ءوزارا ۇيلەستىرۋىمىز كەرەك. قازىر ءبىز «قازسۋشار» رمك جۇرگىزىپ جاتقان جۇمىستى تالداپ، قاجەتتى شەشىم قابىلدايمىز" دەپ جازدى نۇرجان نۇرجىگىتوۆ ءوزىنىڭ تەلەگرام ارناسىندا.
ەسكە سالا كەتەيىك، بۇعان دەيىن سۋ تاسقىنىنا بايلانىستى ءباسپاسوز ءماسليحاتى وتكەنىن حابارلاعان بولاتىنبىز. مينيستر ءباسپاسوز وتىرىسىندا تىلشىلەردىڭ بىرنەشە ساۋالىنا جاۋاپ بەردى. ال مىنا ماتەريالدا مەملەكەت باسشىسى سۋ تاسقىنىنا قارسى ۋاقىتىلى شارا قابىلداماعانى ءۇشىن تۋعان كۇنى قارساڭىندا نۇرجان نۇرجىگىتوۆكە جانە وزگە دە شەندىلەرگە قاتاڭ سوگىس جاريالاعانى تۋرالى بولىسكەن ەدىك.
