Sý resýrstary jáne ırrıgaııa mınıstri Nurjan Nurjigitov Aqtóbe oblysyna bardy, dep habarlaıdy "Adyrna" ulttyq portaly.
Mınıstr aımaqtaǵy sý qoımasyn aralady. Aıtýynsha, eki kúnde ýchaskede 200 mıllıon tekshe metrden astam sý jınaldy. «Qazgıdromet» boljamy boıynsha, oǵan taǵy 210 mıllıon tekshe metr, Qarǵaly sý qoımasyna 180 mıllıon tekshe metr túsýi kerek.
"Qazsýshar» RMK, jergilikti atqarýshy organdar men tótenshe jaǵdaılar departamentiniń qyzmetkerleri birlese jumys istep, tasqyn sýyn qaýipsiz ótkizýdi qamtamasyz etti. Biz sý qoımalarynyń jumys kestesin ózara úılestirýimiz kerek. Qazir biz «Qazsýshar» RMK júrgizip jatqan jumysty taldap, qajetti sheshim qabyldaımyz" dep jazdy Nurjan Nurjigitov óziniń telegram arnasynda.
Eske sala keteıik, buǵan deıin sý tasqynyna baılanysty baspasóz máslıhaty ótkenin habarlaǵan bolatynbyz. Mınıstr baspasóz otyrysynda tilshilerdiń birneshe saýalyna jaýap berdi. Al myna materıalda memleket basshysy sý tasqynyna qarsy ýaqytyly shara qabyldamaǵany úshin týǵan kúni qarsańynda Nurjan Nurjigitovke jáne ózge de shendilerge qatań sógis jarııalaǵany týraly bólisken edik.
