Sý resýrstary jáne ırrıgaııa mınıstri Nurjan Nurjigitov ulynyń toıyn 26 sáýirge belgiledi degen aqparat tarady, dep habarlaıdy "Adyrna" tilshisi Ulysmedıaǵa siltep.
Al mınıstr sý tasqyny kezinde toı ótkizgeni týraly aqparatty joqqa shyǵardy.
BAQ-ta ol «prezıdenttiń tapsyrmasy boıynsha alǵashqy kúnnen bastap sý tasqynynan zardap shekken aımaqtarda boldy jáne josparlanǵan otbasylyq is-sharalardyń barlyǵy toqtatyldy» dep málimdelgen.
Al ózge BAQ betterinde ótken kúni Sý resýrstary jáne ırrıgaııa mınıstri «qyz uzatý» - qalyńdyqty jańa otbasyna uzatý rásimin ótkizgenin habarlaǵan. Al er jigit tarapynan úlken toı 26 sáýirge belgilengenin aıtty.
Aıta keteıik, 2024 jyldyń naýryz aıynyń sońynda mınıstr Nurjan Nurjigitovke sý tasqyny úshin qatań sógis berilgen bolatyn. Sol kezde ol jumystan ketýge nıeti joq ekenin málimdegen.
«Maǵan qatań sógis jarııalandy, endigi jerde atqarylǵan jumystar jergilikti atqarýshy organdarmen jáne Tótenshe jaǵdaılar mınıstrligimen birlese otyryp júrgizilýde , shara qoldanatyn shyǵar», – dep jaýap berdi.
Mınıstr mundaı tasqyn sý kólemi Qazaqstan táýelsizdiginiń 30 jylyndaǵy rekordtyq kórsetkish ekenin atap ótken bolatyn.
Búginde segiz oblysta jergilikti tótenshe jaǵdaı rejımi jumys isteýde.
Eske sala keteıik, mınıstr Nurjigitov týǵan kúni qarsańynda sógis alǵan bolatyn.
