اسكەري قىزمەت – كەز-كەلگەن ەر جىگىتتىڭ ومىرىندەگى ماڭىزدى كەزەڭ. ەلدى، جەردى قورعاۋ جولىندا اتقاراتىن اسكەري قىزمەت ءاربىر ازاماتتىڭ قاسيەتتى بورىشى. مەملەكەتتىڭ قورعانىس قابىلەتىن ۇنەمى ارتتىرۋ ەلىمىزدىڭ ستراتەگيالارىنىڭ ءبىرى بولىپ تابىلادى. سەبەبى، ەلىمىزدىڭ ءاربىر اسكەري قۇرىلىمى ەل ەگەمەندىگىنىڭ تىرەگى، تۇتاستىعىنىڭ سەنىمدى كەپىلى، حالقىمىزدىڭ ەرتەڭگى كۇنىنە دەگەن سەنىمىنىڭ مىزعىماس تىرەگى دەسەك تە ارتىق ەتپەس.
سوندىقتان ءاربىر ەر ازامات وتان قورعاۋدى ابىرويلى مىندەت رەتىندە سەزىنىپ ەل الدىندا بەرگەن انتىنا ادال بولىپ بيىك شىڭداردى باعىندىرۋى ءتيىس. قازىرگى تاڭدا مەملەكەتىمىزدە 18-27 جاس ارالىعىنداعى «سايدىڭ تاسىنداي» ەل ازاماتتارى ءمىندەتتى تۇردە اسكەرگە شاقىرىلاتىنىن ەسكەرە كەتكەنىمىز دۇرىس. سەبەبى دەنساۋلىعى جارامدى ءاربىر ازامات مىندەتتى تۇردە وتان الدىنداعى بورىشىن ورىنداۋى كەرەك. ورال قالاسىنداعى 5517 اسكەري بولىمىندە 400 گە جۋىق ازامات وتان الدىنداعى بورىشىن ورىنداۋدا.
5517 اسكەري ءبولىم كومانديرىنىڭ تاربيە ءجانە الەۋمەتتىك قۇقىقتىق جۇمىستار جونىندەگى ورىنباسارى پودپولكوۆنيك جانىبەك سارسەنوۆءتىڭ ايتۋىنشا، ەلىءمىزدىڭ اۋماعىنان جىل سايىن وتان الدىنداعى بورىشىن وتەۋگە تەپسە تەمىر ۇزەتىن جىگىتتەر كەلەدى. ەلىمىزدىڭ ءتىرەگى بولعان ۇلتتىق ۇلاننىڭ ءوزىنە جىلىنا ەكى مارتە ەلىمىزدىڭ پاتريوتتارىن اسكەرگە شاقىرۋ جۇزەگە اسىرىلادى. دەسە، دە «اسكەر» ءسوزىن ەستىگەندە دەنەلەرىندە ۇرەي پايدا بولىپ اسكەردەن قاشاتىن جاندار دا از ەمەس. ءبىرى – جوعارى ءبىلىم الىپ جۇرسە، ءبىرى ءار قالادا جۇمىس جاساپ ءجۇر، ەندى ءبىرى ءۇيىنىڭ جالعىز اسىراۋشىسى بولىپ كەلەدى. دەگەنمەن, ءار ازامات وتان الدىنداعى بورىشتى وتەۋ – پارىزى ەكەنءىن ءبىلۋى ءتيىس.
– بۇگىندە جاستاردىڭ بويىنداعى پاتريوتتىق سەزىمدى وياتۋ ماقساتىندا اسكەري قۇرىلىمدار ايانباي ەڭبەك ەتۋدە. سولاردىڭ ءبىرى – ەل ايبىنىنا اينالعان قازاقستان رەسپۋبليكاسىنىڭ ۇلتتىق ۇلانى. ءاسكەري قۇرىلىم جاستاردىڭ بويىنداعى پاتريوتتىق رۋحتى ارتتىرۋ ماقساتىندا اشىق ەسىك كۇندەرىن, مەكتەپ وقۋشىلارىنا ارنالعان ۇگىت ناسيحات جۇمىستارىن وتكىزەدى.
قازىرگى تاڭدا جاستاردىڭ ءاسكەري سالاعا دەگەن قىزىعۋشىلىعىن ارتتىرۋ ءۇشىن ۇلتتىق ۇلاننىڭ اسكەري قىزمەتكەرلەرى ەلىمىزدىڭ بارلىق ايماقتارىندا ۇگىت ناسيحات جۇمىستارىن جۇرگىزدى. اقپان ايىندا اقتوبە قالاسىندا احمەت بايتۇرسىنۇلى اتىنداعى لينگۆيستيكالىق مەكتەپ-گيمنازياسى جانە №28 جالپى ءبىلىم بەرەتىن ورتا مەكتەپ وقۋشىلارىمەن ۇلتتىق ۇلان قىزمەتكەرلەرى كەزدەسۋ وتكىزدى.
اتالمىش كەزدەسۋدىڭ باستى ماقساتى – جوعارعى سىنىپ وقۋشىلارىن قازاقستان رەسپۋبليكاسىنىڭ ۇلتتىق ۇلان اكادەمياسىنا جانە اسكەري جوعارعى وقۋ ورنىنا تۇسۋگە ۇگىتتەۋ, قوعامداعى اسكەري قىزمەتتى دارىپتەۋ، جاستاردى وتانشىلدىققا تاربيەلەۋ. كەزدەسۋگە اقتوبە قالاسىنداعى 6655 اسكەري ءبولىمىنىڭ قىزمەتكەرلەرى مەن ۇلتتىق ۇلان اكادەمياسىنىڭ 4 كۋرس ستۋدەنتتەرى قاتىستى. كەزدەسۋ بارىسىندا اسكەري قىزمەتكەرلەر وقۋشىلارعا اسكەري قىزمەتتىڭ ارتىقشىلىقتارى، اسكەري الەۋمەتتىك پاكەت جايلى ماردىمدى اقپاراتتار بەردى، سونىمەن قاتار مەكتەپ ءبىتىرۋشى تۇلەكتەرگە ۇلتتىق ۇلان اكادەمياسىنا قالاي ءتۇسۋ كەرەكتىگى جايلى ءتۇسىندىردى. اسكەردە بولعاندار كوبىنە بايىپتى، ۇستامدى، شىدامدى كورىنەدى. ويتكەنى ولار تەمىردەي تارتىپتەن وتكەن. ءسوزدىڭ دە قادىرىن بىلەدى. جاۋاپكەرشىلىكتى جۇرەگىمەن سەزىنەدى. وسىنى ءجاسوسپىرىم شاقتان سانالارىنا قۇيۋىمىز كەرەك، – دەيدى ءجانىبەك قايىربەكۇلى.
قازىرگى تاڭدا ەلىمىزدىڭ بارلىق اۋماعىندا بۇل تەكتەس ءىس-شارالار لەگى كوپ ءوتۋدە. سونىمەن قاتار اسكەر بولىمدە مەكتەپ وقۋشىلارىنا ارنالعان اشىق ەسىك كۇندەرى دە ۇيىمداستىرىلۋدا. مەكتەپ وقۋشىلارى كۇنى بويى اسكەري ءومىردىڭ قىر-سىرىمەن تانىسىپ، العاشقى كومەك كورسەتۋ،ارنايى قۇرالداردى قولدانۋدى مەڭگەرىپ، دايارلىق ساباقتارىنا قاتىسادى. جاس پاتريوتتارعا اسكەري كازارمالار مەن ساربازدار تاماقتاناتىن اسحانالار كورسەتىلەدى. وسىنداي ءىس-شارالار ارقىلى ۇلتتىق ۇلان قىزمەتكەرلەرى جاس بۋىنعا اسكەري سالانىڭماڭىزدىلىعى تۋرالى اقپاراتتار جەتكىزۋدە.
بۇگىنگى تاڭدا مەكتەپ وقۋشىلارىمەن بىرلەسە«جاس بۇركىت» اسكەري پاتريوتتىق كلۋبى قۇرىلعان. ۇيىم مۇشەلەرى جاس ساربازداردىڭ اسكەري انت قابىلداۋ راسىمدەرى، اسكەري بورىشىن وتەگەن جاۋىنگەرلەردى قۇرمەتتەۋ كەشتەرى، مەرەكەلىك سالتاناتتى جيىندار، تاقىرىپتىق ۆيكتورينالار مەن بايقاۋلار، «ەرلىك ساباقتارى»، «اشىق ەسىك كۇندەرى» اكتسيالارى سياقتى اسكەري-پاتريوتتىق مازمۇنداعى كوپتەگەن ءىس-شارالارعا ءوز ۇلەستەرىن قوسادى.
وسىلايشا، ەلىمىزدە اسكەري قىزمەتتىڭ ابىرويلى مىندەت ەكەنىن ۇققان جاستار ەل قاۋىپسىزدىگىنىڭ مىزعىماس تىرەگى بولىپ, وتان الدىنداعى بورىشتارىن ادال اتقارۋدا.
ءيا، اسكەر – ءومىر مەكتەبى. ونىڭ قازانىندا قايناپ، سىناعىنا شىڭدالىپ شىعۋ كەز كەلگەن ازامات ءۇشىن ومىرلىك ولجا بولاتىنى ءسوزسىز. سەبەبى اسكەردە تاپسىرما ورىندالۋى كەرەك. «جوق» دەگەن ولار ءۇشىن جارامسىز جانە قيسىنسىز جاۋاپ. سونىمەن قاتار اسكەردە بولعان ازامات ومىردە دە پروبلەمالارمەن بەتپە-بەت كەلگەندە، شەشۋدىڭ جولىن ىزدەيدى. كەز كەلگەن سىناققا سىنبايدى، كەرىسىنشە قارسى تۇرادى. بۇگىنگى ازاماتتاردا وسىنداي قاسيەت بايقالا بەرمەيدى. سول ءۇشىن ۇلكەن ءومىردىڭ العاشقى باسپالداعىنان ءار ازامات ءوتۋى كەرەك.
كاۋسار بايعاليەۆا