Äskeri qyzmet – kez-kelgen er jıgıttıŋ ömırındegı maŋyzdy kezeŋ. Eldı, jerdı qorǧau jolynda atqaratyn äskeri qyzmet ärbır azamattyŋ qasiettı boryşy. Memlekettıŋ qorǧanys qabıletın ünemı arttyru elımızdıŋ strategiialarynyŋ bırı bolyp tabylady. Sebebı, elımızdıŋ ärbır äskeri qūrylymy el egemendıgınıŋ tıregı, tūtastyǧynyŋ senımdı kepılı, halqymyzdyŋ erteŋgı künıne degen senımınıŋ myzǧymas tıregı desek te artyq etpes.
Sondyqtan ärbır er azamat Otan qorǧaudy abyroily mındet retınde sezınıp el aldynda bergen antyna adal bolyp biık şyŋdardy baǧyndyruy tiıs. Qazırgı taŋda memleketımızde 18-27 jas aralyǧyndaǧy «saidyŋ tasyndai» el azamattary mındettı türde äskerge şaqyrylatynyn eskere ketkenımız dūrys. Sebebı densaulyǧy jaramdy ärbır azamat mındettı türde Otan aldyndaǧy boryşyn oryndauy kerek. Oral qalasyndaǧy 5517 äskeri bölımınde 400 ge juyq azamat Otan aldyndaǧy boryşyn oryndauda.
5517 äskeri bölım komandirınıŋ Tärbie jäne äleumettık qūqyqtyq jūmystar jönındegı orynbasary podpolkovnik Jänıbek Särsenovtıŋ aituynşa, elımızdıŋ aumaǧynan jyl saiyn Otan aldyndaǧy boryşyn öteuge tepse temır üzetın jıgıtter keledı. Elımızdıŋ tıregı bolǧan Ūlttyq ūlannyŋ özıne jylyna ekı märte elımızdıŋ patriottaryn äskerge şaqyru jüzege asyrylady. Dese, de «äsker» sözın estıgende denelerınde ürei paida bolyp äskerden qaşatyn jandar da az emes. Bırı – joǧary bılım alyp jürse, bırı är qalada jūmys jasap jür, endı bırı üiınıŋ jalǧyz asyrauşysy bolyp keledı. Degenmen, är azamat Otan aldyndaǧy boryşty öteu – paryzy ekenın bıluı tiıs.
– Bügınde jastardyŋ boiyndaǧy patriottyq sezımdı oiatu maqsatynda äskeri qūrylymdar aianbai eŋbek etude. Solardyŋ bırı – el aibynyna ainalǧan Qazaqstan Respublikasynyŋ Ūlttyq ūlany. Äskeri qūrylym jastardyŋ boiyndaǧy patriottyq ruhty arttyru maqsatynda aşyq esık künderın, mektep oquşylaryna arnalǧan ügıt nasihat jūmystaryn ötkızedı.
Qazırgı taŋda jastardyŋ äskeri salaǧa degen qyzyǧuşylyǧyn arttyru üşın Ūlttyq ūlannyŋ äskeri qyzmetkerlerı elımızdıŋ barlyq aimaqtarynda ügıt nasihat jūmystaryn jürgızdı. Aqpan aiynda Aqtöbe qalasynda Ahmet Baitūrsynūly atyndaǧy lingvistikalyq mektep-gimnaziiasy jäne №28 jalpy bılım beretın orta mektep oquşylarymen Ūlttyq ūlan qyzmetkerlerı kezdesu ötkızdı.
Atalmyş kezdesudıŋ basty maqsaty – joǧarǧy synyp oquşylaryn Qazaqstan Respublikasynyŋ Ūlttyq ūlan akademiiasyna jäne äskeri joǧarǧy oqu ornyna tüsuge ügıtteu, qoǧamdaǧy äskeri qyzmettı därıpteu, jastardy otanşyldyqqa tärbieleu. Kezdesuge Aqtöbe qalasyndaǧy 6655 äskeri bölımınıŋ qyzmetkerlerı men Ūlttyq ūlan akademiiasynyŋ 4 kurs studentterı qatysty. Kezdesu barysynda äskeri qyzmetkerler oquşylarǧa äskeri qyzmettıŋ artyqşylyqtary, äskeri äleumettık paket jaily mardymdy aqparattar berdı, sonymen qatar mektep bıtıruşı tülekterge Ūlttyq ūlan akademiiasyna qalai tüsu kerektıgı jaily tüsındırdı. Äskerde bolǧandar köbıne baiypty, ūstamdy, şydamdy körınedı. Öitkenı olar temırdei tärtıpten ötken. Sözdıŋ de qadırın bıledı. Jauapkerşılıktı jüregımen sezınedı. Osyny jasöspırım şaqtan sanalaryna qūiuymyz kerek, – deidı Jänıbek Qaiyrbekūly.
Qazırgı taŋda elımızdıŋ barlyq aumaǧynda būl tektes ıs-şaralar legı köp ötude. Sonymen qatar äsker bölımde mektep oquşylaryna arnalǧan aşyq esık künderı de ūiymdastyryluda. Mektep oquşylary künı boiy äskeri ömırdıŋ qyr-syrymen tanysyp, alǧaşqy kömek körsetu,arnaiy qūraldardy qoldanudy meŋgerıp, daiarlyq sabaqtaryna qatysady. Jas patriottarǧa äskeri kazarmalar men sarbazdar tamaqtanatyn ashanalar körsetıledı. Osyndai ıs-şaralar arqyly Ūlttyq ūlan qyzmetkerlerı jas buynǧa äskeri salanyŋmaŋyzdylyǧy turaly aqparattar jetkızude.
Bügıngı taŋda mektep oquşylarymen bırlese«Jas bürkıt» äskeri patriottyq kluby qūrylǧan. Ūiym müşelerı jas sarbazdardyŋ äskeri ant qabyldau räsımderı, äskeri boryşyn ötegen jauyngerlerdı qūrmetteu keşterı, merekelık saltanatty jiyndar, taqyryptyq viktorinalar men baiqaular, «Erlık sabaqtary», «Aşyq esık künderı» aksiialary siiaqty äskeri-patriottyq mazmūndaǧy köptegen ıs-şaralarǧa öz ülesterın qosady.
Osylaişa, elımızde äskeri qyzmettıŋ abyroily mındet ekenın ūqqan jastar el qauıpsızdıgınıŋ myzǧymas tıregı bolyp, Otan aldyndaǧy boryştaryn adal atqaruda.
İä, äsker – ömır mektebı. Onyŋ qazanynda qainap, synaǧyna şyŋdalyp şyǧu kez kelgen azamat üşın ömırlık olja bolatyny sözsız. Sebebı äskerde tapsyrma oryndaluy kerek. «Joq» degen olar üşın jaramsyz jäne qisynsyz jauap. Sonymen qatar äskerde bolǧan azamat ömırde de problemalarmen betpe-bet kelgende, şeşudıŋ jolyn ızdeidı. Kez kelgen synaqqa synbaidy, kerısınşe qarsy tūrady. Bügıngı azamattarda osyndai qasiet baiqala bermeidı. Sol üşın ülken ömırdıŋ alǧaşqy baspaldaǧynan är azamat ötuı kerek.
Käusar BAIǦALİEVA
