باتىس قازاقستان وبلىسىنىڭ ۆەتەريناريا باسقارماسى اۋداندارداعى سۋ باسقان جەرلەردە ورنالاسقان ءسىبىر جاراسى كومىندىلەرى جايىنداعى اقپاراتقا تۇسىنىكتەمە بەردى.
–بۇگىنگى تاڭدا اۋدانداردا ۆەتەرينارلىق قىزمەت جەرگىلىكتى اتقارۋشى ورگاندارمەن بىرلەسىپ، ولگەن ءۇي جانۋارلارىنىڭ كوزىن جويۋ جۇمىسىن باستادى. باسقارماداعى ءبولىس باسشىسى بەرگەن اقپاراتقا قاتىستى تۇسىنىكتەمە بەرگىم كەلدى. بۇگىنگى تاڭدا وڭىردە 13 ەمەس، ءۇش كومىندى سۋ استىندا قالدى. ال اۋرۋ قوزدىرعىشتارىنىڭ ەرىگەن سۋمەن تارالادى دەگەن ءسوز شىندىققا جاناسپايدى. ويتكەنى كومىندىلەردىڭ بارلىعى ۆەتەريناريالىق-سانيتاريالىق تالاپتارعا ساي: بەتوندالعان جانە قورشالعان. ەشقانداي قاۋىپ جوق، - دەدى وبلىستىق ۆەتەريناريا باسقارماسى باسشىسىنىڭ ورىنباسارى ا.براليەۆ.
باسقارما بەرگەن اقپاراتقا سەنسەك، ۆەتەريناريالىق قىزمەتتەر سۋ تاسقىنىنان ولگەن اۋىل شارۋاشىلىعى جانۋارلارىن ۆەتەريناريالىق-سانيتاريالىق تالاپتار بويىنشا جويۋ جۇمىسىن جۇرگىزۋدە. جاعداي باقىلاۋدا.
بۇعان دەيىن باق بەتتەرىندە باتىس قازاقستاندا سۋ تاسقىنى ءسىبىر جاراسى كومىلگەن جەرلەردى باسىپ قالعانىن، 8 مال قورىمى مەن 14 ءسىبىر جاراسى قورىمىن سۋ باسقانىن جاريالاعان. بولاتىن
