قازاقستاندا جۋرناليستەر جازبانى بولىسكەنى ءۇشىن جاۋاپقا تارتىلدى، دەپ حابارلايدى "ادىرنا" ءتىلشىسى.
ProTenge باسىلىمى بيلىك اككرەديتاتسيا بەرمەي قويعان ازاتتىق تىلشىلەرىن قولداپ جاريالاعان پوستتى Telegram-دا كوشىرىپ جاريالاعانى ءۇشىن جۋرناليست اسحات نيازوۆ اكىمشىلىك جاۋاپقا تارتىلىپ جاتىر.
بۇل تۋرالى 9 ساۋىردە ProTenge باسىلىمى حابارلادى.
باسىلىمنىڭ مالىمەتىنشە، تەكسەرۋ جۇرگىزگەن پوليتسيا پوست مازمۇنىندا قىلمىستىق قۇقىق بۇزۋ بەلگىسى جوق دەگەن قورىتىندى جاساعانىمەن ءجۋرناليستىڭ ۇستىنەن اكىمشىلىك قۇقىق بۇزۋشىلىق تۋرالى حاتتاما تولتىرىلعان. كەيىننەن ول سوتقا جولدانعان.
"اقپارات توركىنىنە، ياعني ونى ءبىرىنشى بولىپ باسقان بىزگە كەلىپ، وسى ساۋالداردى ProTenge باسىلىمىنا تىكەلەي قويۋدىڭ ورنىنا قۇقىق قورعاۋ ورگاندارى مينيسترلىكتىڭ قولايىنا جاقپاعان پوستى كوشىرىپ باسقان ءجۋرناليستى تاڭداعان", - دەپ مالىمدەدى بۇگىن ProTenge.
