پولشانىڭ بۇرىنعى پرەزيدەنتى اندجەي دۋدا ءوزىن جۋرناليستيكا سالاسىندا سىناپ كورمەك. بۇل تۋرالى Kanał Zero ينتەرنەت-ارناسىنىڭ نەگىزىن قالاۋشى كشيشتوف ستانوۆسكي ايتتى، دەپ حابارلايدى «ادىرنا» ءتىلشىسى.
«كانالدا جاڭا اۆتوردىڭ پايدا بولعانىن حابارلاعانىما وتە قۋانىشتىمىن. دۋدا 16 وزەكتى تاقىرىپقا ارنالعان 16 ەپيزود جازادى. وندا ونداعان سۇحبات، جەدەل تۇسىرىلىمدەر، ءتۇرلى جاعدايلار قامتىلادى. سونداي-اق دۋدا ەستەلىكتەرىن ايتىپ، بۇگىنگى ماسەلەلەرگە قاتىستى كوزقاراسىن بىلدىرەدى»، – دەدى ستانوۆسكي.
ءجۋرناليستىڭ ايتۋىنشا، پرەمەرا 15 قىركۇيەككە جوسپارلانىپ وتىر.
تامىز ايىنىڭ باسىندا باق دۋدانىڭ حالىقارالىق وليمپيادا كوميتەتىندە جۇمىس ىستەۋدى، سونداي-اق قوعامدىق قىزمەتپەن اينالىسۋدى كوزدەپ وتىرعانىن جازعان ەدى.
ايتا كەتەيىك، Kanał Zero ارناسى پولشانىڭ ەڭ ءىرى وپپوزيتسيالىق «زاڭ جانە ادىلەت» پارتياسىمەن بايلانىسى بار دەپ ەسەپتەلەدى.
