قازاقستاندىق ەركىن كۇرەس بالۋانى ازامات داۋلەتبەكوۆ بىشكەكتە (قىرعىزستان) ءوتىپ جاتقان ازيا چەمپيوناتىندا ءبىرىنشى ورىن يەلەندى، - دەپ حابارلايدى “ادىرنا” Vesti.kz سايتىنا سىلتەمە جاساپ.
ەركىن كۇرەستەن 86 كەلىگە دەيىنگى سالماقتا سىنعا تۇسكەن قازاقستان قۇراماسىنىڭ كاپيتانى ءۇش دۇركىن ازيا چەمپيونى اتاندى. ول فينالدا وزبەكستان وكىلى جابرايل شاپيەۆتى جەڭىپ، قۇرلىقتىق تۋرنيردە ءوز كومانداسىنا العاشقى التىندى اكەلدى.
جەڭىسكە جەتۋ جولىندا داۋلەتبەكوۆ يراندىق حادي ۆافايپۋردى (3:1) جانە قىتايلىق پەيلونگ ءليدى (11:0) جەڭدى. ايتا كەتەيىك، ازاماتتىڭ پاريج-2024 وليمپياداسىنا ليتسەنزياسى بار.
تاعى ءبىر قازاقستاندىق اسىل ايتاقىن دا 61 كەلىگە دەيىنگى سالماقتا التىن ءۇشىن بەلدەسكەنىمەن، اقتىق سىندا كىلەم يەسى تايىربەك جۇماشبەك ۋلۋنان جەڭىلىپ قالدى. بۇعان دەيىن ايتاقىن پالەستينالىق الي ابۋرۋمايل (7:0), موڭعوليالىق ەنەبولد ەنگبات (11:0) جانە ۇندىلىك اكاش داحيانى (11:0) جەڭگەن بولاتىن.
