Qazaqstandyq erkin kúres balýany Azamat Dáýletbekov Bishkekte (Qyrǵyzstan) ótip jatqan Azııa chempıonatynda birinshi oryn ıelendi, - dep habarlaıdy “Adyrna” Vesti.kz saıtyna silteme jasap.
Erkin kúresten 86 kelige deıingi salmaqta synǵa túsken Qazaqstan quramasynyń kapıtany úsh dúrkin Azııa chempıony atandy. Ol fınalda Ózbekstan ókili Jabraıl Shapıevti jeńip, qurlyqtyq týrnırde óz komandasyna alǵashqy altyndy ákeldi.
Jeńiske jetý jolynda Dáýletbekov ırandyq Hadı Vafaıpýrdy (3:1) jáne qytaılyq Peılong Lıdi (11:0) jeńdi. Aıta keteıik, Azamattyń Parıj-2024 Olımpıadasyna lıenzııasy bar.
Taǵy bir qazaqstandyq Asyl Aıtaqyn da 61 kelige deıingi salmaqta altyn úshin beldeskenimen, aqtyq synda kilem ıesi Taıyrbek Jumashbek ýýlýnan jeńilip qaldy. Buǵan deıin Aıtaqyn palestınalyq Alı Abýrýmaıl (7:0), mońǵolııalyq Enebold Engbat (11:0) jáne úndilik Akash Dahııany (11:0) jeńgen bolatyn.
