Jambyl oblysynda 111 million teŋgege salynǧan sport zal qaŋyrap bos tūr, dep habarlaidy "Adyrna" ūlttyq portaly "Habar 24"-ke sıltep.
Jaŋa jyl qarsaŋynda Jualy audany Kärıqorǧan auylyndaǧy sport zaly saltanatty türde köpke tanystyrylǧan. Dene şynyqtyru mekemesı ondaǧan jyl qarausyz qalǧan ǧimarattan aşylyp edı. Onyŋ qūrylysyna "Auyl – el besıgı" baǧdarlamasy boiynşa 111 million teŋgeden astam qarjy jūmsalǧany belgılı boldy. Degenmen ǧimaratty tekserıs kezınde jöndeu sapasyz jürgızılgenı anyqtaldy.
“Būl sport keşenın qalpyna keltıru jūmystary naşar jürgızıldı. Jobalyq-smetalyq qūjattamany tekserıp, sporttyq qūral-jabdyq qamtamasyz etılmegenın anyqtadyq. Tapsyrys beruşınıŋ aituynşa, olar sporttyq qūral-jabdyqtardy Jambyl oblysynyŋ dene şynyqtyru basqarmasy uäde etkenın aitady”, – dedı Jualy audandyq qoǧamdyq keŋesınıŋ müşesı Talǧat Quatbekov.Qūrylystyŋ sapasyz bolǧanyn auyl tūrǧyndary da aituda.
“Basynda smetany qate qūrastyrdyq dedı. Kärız jüiesı tartylmaǧan, jarty jolda tastap ketken. Tarazdan komissiia kelıp, osy kemşılıkterdıŋ barlyǧyn anyqtady. Ǧimarat küzetılmeidı. Ol būdan bylai bos qtūra berse, joiylady.”, – dedı Kärıqorǧan auylynyŋ tūrǧyny Däuren Üsıpbekov.Ǧimaratta sylaq qūlap, qoqys şaşylyp, jaryqsyz qalǧan. Al jabdyqtalmaǧan bos bölmeler sol küiı qalyp ketken. Audandyq sport bölımı basşysynyŋ aituynşa, aua raiynyŋ qolaisyzdyǧynan ǧimaratty qalpyna keltıru jūmystary keiınge qaldyrylypty. Būl nysandy sport bölımı baqylauǧa aluy kerek bolǧan, degenmen älı oryndalmaǧan. Qoǧamdyq keŋes barlyq kemşılıkterdı kepıldıkpen merdıger joiatynyn aitady. Jergılıktı bilık ştat jasaqtap, biudjettık ötınım berudı josparlap otyr. Audandyq mäslihat maqūldasa, bır aidan keiın sport zaly aşylady dep kütılude.
Ūqsas jaŋalyqtar
