الماتىدا جاۋىن-شاشىننىڭ سالدارىنان وزەندەردەگى سۋ دەڭگەيى كوتەرىلگەنى انىقتالدى، دەپ حابارلايدى "ادىرنا" ءتىلشىسى.
بۇل تۋرالى قالالىق تجد مالىمدەدى.
Instagram جەلىسىندەگى توتەنشەلىكتەردىڭ پاراقشاسىندا الماتى وزەندەرىندەگى جاعداي تۇراقتى ەكەنى تۋرادى جازىلعان.
"قازىرگى ۋاقىتتا "قازسەلدەنقورعاۋ" مم الماتى قالالىق پايدالانۋ تەحنيكالىق باسقارماسىنىڭ 10 گيدروپوستى جۇمىس ىستەيدى، ولار تاۋلىك بويى وزەندەردەگى گيدرومەتەورولوگيالىق جاعدايدى باقىلاۋدا. وزدەرىڭىز بىلەتىندەي، قالا ارقىلى اقساي، قارعالى، ۇلكەن جانە كىشى الماتى وزەندەرى اعادى. جاۋىن-شاشىنعا بايلانىستى وزەندەردە سۋ شىعىنىنىڭ شامالى عانا سۋ دەڭگەيىنىڭ كوتەرىلۋى بايقالادى، سونداي-اق كولبەۋ اعىنعا بايلانىستى سۋدىڭ لايلانۋىنىڭ 2 باللعا دەيىن ارتۋى بايقالادى. بۇدان باسقا، "قازسەلدەنقورعاۋ" ماماندارى سەلدەن قورعاۋ قۇرىلىستارىنىڭ تەحنيكالىق جاي-كۇيىنە تەكسەرۋ جۇرگىزەدى", - دەلىنگەن جازبادا.
ودان بولەك، 16 ءساۋىر كۇنى ساعات 4:00-دەن باستاپ الماتىدا جاڭبىر توقتامادى. "قازگيدرومەت" رمك مالىمەتىنشە، ساعات 9:00 - دە قالادا 14 مم، "مەدەۋدە" - 21 مم، كامەنسك ۇستىرتىندە-28 مم جاۋىن-شاشىن تۇسكەن.
