Almatyda jaýyn-shashynnyń saldarynan ózenderdegi sý deńgeıi kóterilgeni anyqtaldy, dep habarlaıdy "Adyrna" tilshisi.
Bul týraly qalalyq TJD málimdedi.
Instagram jelisindegi tótenshelikterdiń paraqshasynda Almaty ózenderindegi jaǵdaı turaqty ekeni týrady jazylǵan.
"Qazirgi ýaqytta "Qazseldenqorǵaý" MM Almaty qalalyq paıdalaný tehnıkalyq basqarmasynyń 10 gıdroposty jumys isteıdi, olar táýlik boıy ózenderdegi gıdrometeorologııalyq jaǵdaıdy baqylaýda. Ózderińiz biletindeı, qala arqyly Aqsaı, Qarǵaly, Úlken jáne Kishi Almaty ózenderi aǵady. Jaýyn-shashynǵa baılanysty ózenderde sý shyǵynynyń shamaly ǵana sý deńgeıiniń kóterilýi baıqalady, sondaı-aq kólbeý aǵynǵa baılanysty sýdyń laılanýynyń 2 ballǵa deıin artýy baıqalady. Budan basqa, "Qazseldenqorǵaý" mamandary selden qorǵaý qurylystarynyń tehnıkalyq jaı-kúıine tekserý júrgizedi", - delingen jazbada.
Odan bólek, 16 sáýir kúni saǵat 4:00-den bastap Almatyda jańbyr toqtamady. "Qazgıdromet" RMK málimetinshe, saǵat 9:00 - de qalada 14 mm, "Medeýde" - 21 mm, Kamensk ústirtinde-28 mm jaýyn-shashyn túsken.
