"قازگيدرومەت" رمك جەكسەنبى، 21 ءساۋىر كۇنىنە قازاقستان بويىنشا اۋا رايى بولجامىن جاريالادى، دەپ حابارلايدى “ادىرنا” ۇلتتىق پورتالى.
بولجامعا سايكەس، ەلىمىزدىڭ كوپ ايماقتارىندا جەل تۇرادى، وڭتۇستىك-شىعىستا شاڭدى داۋىل، وڭتۇستىك وڭىردە داۋىل بولادى دەپ كۇتىلەدى.
"رەسپۋبليكامىزدىڭ باسىم بولىگى كەڭ اۋقىمدى انتيتسيكلوننىڭ ىقپالىندا بولادى، سوعان سايكەس جاۋىن-شاشىنسىز اۋا رايى ساقتالادى، تەك كۇندىز قازاقستاننىڭ وڭتۇستىك-باتىسىندا جانە قيىر سولتۇستىگىندە ازداپ جاڭبىر جاۋادى دەپ كۇتىلەدى. سونداي-اق رەسپۋبليكامىزدىڭ وڭتۇستىگىندە، وڭتۇستىك-شىعىسىنداعى تاۋلى اۋدانداردا اتموسفەرالىق فرونتالدى بولىكتەردىڭ وتۋىنە بايلانىستى نايزاعاي جارقىلداپ، جاڭبىر جاۋادى دەپ بولجانادى. قازاقستان بويىنشا جەلدىڭ كۇش الۋى تۇرىندە ورتاق تابيعي قۇبىلىس بايقالادى. قازاقستاننىڭ وڭتۇستىك-باتىسىندا، سولتۇستىك-باتىسىندا، وڭتۇستىگىندە، وڭتۇستىك-شىعىسىندا شاڭدى داۋىل تۇرادى، ال سولتۇستىگىندە تۇنگى جانە تاڭەرتەڭگى ۋاقىتتاردا تۇمان بولادى دەپ كۇتىلەدى” دەلىنگەن "قازگيدرومەت" رمك حابارلاماسىندا.