بريفينگتە توتەنشە جاعدايلار ۆيتسە-ءمينيسترى باۋىرجان سىزدىقوۆ جۋرناليسكە شۇيلىكتى، دەپ حابارلايدى "ادىرنا" ءتىلشىسى Stan.kz-كە سىلتەپ.
ءجۋرناليستىڭ “سۇراقتارىمىزعا ءمينيستردىڭ ءوزى نەگە جاۋاپ بەرمەيدى، جاۋاپكەرشىلىكتەن قاشىپ جۇرگەن جوق پا؟” دەگەن سۇراعىنا ۆيتسە-مينيستر جاۋاپ بەردى.
"قازىرگى تاڭدا وزدەرىڭىز بىلەسىزدەر، باتىس قازاقستان، اتىراۋ، سولتۇستىك قازاقستان وبلىسىندا جاعداي وتە كۇردەلى. پرەمەر-ءمينيستردىڭ تىكەلەي تاپسىرماسى بويىنشا شىڭعىس ءارىنوۆ اتىراۋ وبلىسىنداعى ەلدى-مەكەندەردە ءجۇر. قالاي بولعاندا دا سۋ تاسقىنىنىڭ زاردابىن تومەندەتسەك دەپ ءجۇر. ەر ازامات رەتىندە ول "جاۋاپكەرشىلىكتەن قاشىپ جاتىر، كەلمەي جاتىر" دەۋ – ۇيات. ەرتەڭ جاعدايدىڭ ءبارى قالپىنا كەلگەسىن، وسىندا كەلىپ سۇراقتارىڭىزعا جاۋاپ بەرەدى. قازىر توتەنشە جاعدايلار مينيسترلىگى باسشىلارىنىڭ بارلىعى سۋ باسقان ايماقتاردا ءجۇر",-دەپ جاۋاپ بەردى باۋىرجان سىزدىقوۆ.