سولتۇستىك قازاقستان وبلىسىنداعى شوشقا فەرماسىندا ءتورت ادام قازا تاپتى

سولتۇستىك قازاقستاندا شوشقا فەرماسىندا ءتورت ادام قازا تاپتى، - دەپ حابارلايدى "ادىرنا" ءتىلشىسى وبلىس اكىمدىگىنىڭ ءباسپاسوز قىزمەتىنە سىلتەمە جاساپ. سولتۇستىك قازاقستان وبلىسىنىڭ تايىنشا اۋدانىندا EMS AGRO سەرىكتەستىگىندە شوشقا فەرماسىندا توتەنشە جاعداي ورىن الدى. "اۋىسىم اياقتالىسىمەن تايىنشا اۋدانى نوۆويۆانوۆكا اۋىلىنداعى بورداقىلاۋ الاڭىنان جشس-ءنىڭ ءتورت جۇمىسشىسى جۇمىس ورنىنان قايتىپ ورالماعان. سەگىز مەتر تەرەڭدىكتەگى كارىز سۋ قويماسىن تازالاۋ كەزىندە تورتەۋى دە قازا تاپقانى انىقتالدى. »، - دەپ حابارلادى وبلىس اكىمدىگىنىڭ ءباسپاسوز قىزمەتى. رەسمي مالىمەت بويىنشا، سولتۇستىك قازاقستان وبلىسىنىڭ اكىمى ايداربەك ساپاروۆ، وبلىس اكىمىنىڭ ءبىرىنشى ورىنباسارى مارات تاسماعانبەتوۆ، پوليتسيا ءبولىمىنىڭ باستىعى ايدىن قابدۋلدينوۆ، تايىنشا اۋدانىنىڭ پروكۋرورى عالىمجان اۋباكىروۆ جانە مەملەكەتتىك ەڭبەك ينسپەكتسياسىنىڭ باسشىسى مارات وماروۆ جاعداي ورىن العان ايماققا بارعانى ايتىلادى. "وبلىس اكىمىنىڭ تاپسىرماسى بويىنشا ارنايى كوميسسيا قۇرىلدى. سەبەپتەرى انىقتالىپ جاتىر. قازىر ايماق باسشىسى قازا بولعانداردىڭ وتباسىنا بارۋدا", - دەلىنگەن سولتۇستىك قازاقستان اكىمدىگىنىڭ حابارلاماسىندا.