«الماتى - ءبىزدىڭ ورتاق ءۇيىمىز» ناۋقانى اياسىندا ناۋرىزباي اۋدانىنىڭ مەكتەپ وقۋشىلارى اتا-انالارىمەن جانە مۇعالىمدەرىمەن بىرگە وقۋ ورىندارىنىڭ اۋماعىندا ءتۇرلى سورتتى 2000 قىزعالداق وتىرعىزدى. ءىس-شاراعا بەلگىلى ءانشى تالعات جوراباەۆ قاتىستى.
№157 مەكتەپتە ەرەسەكتەر مەن بالالاردىڭ ەكولوگيالىق مادەنيەتتى قالىپتاستىرۋعا، سونداي-اق ولاردىڭ شىعارماشىلىق قابىلەتىن دامىتۋعا باعىتتالعان «قوقىستىڭ ەكىنشى ءومىرى» بايقاۋى ءوتتى. وقۋشىلاردىڭ وزدەرى شاعىن ساۋلەت نىساندارىن جاساپ، ولاردى ءتۇرلى-ءتۇستى گۇلدەرمەن بەزەندىرىپ، ەرتەگى مەن مۋلتفيلم كەيىپكەرلەرىن ءوز شىعارماشىلىعىنىڭ كەيىپكەرلەرىنە اينالدىردى.
ناۋرىزباي اۋدانىنىڭ 3 مەكتەبىنىڭ اۋماعىندا جىلىجاي بار. ولاردىڭ بارلىعى زاماناۋي تامشىلاتىپ سۋارۋ، جىلىتۋ جانە جارىقتاندىرۋ جۇيەلەرىمەن جابدىقتالعان. جىلىجايدا جۇمىس ىستەۋ مەكتەپ باعدارلاماسىن تاجىريبەلىك ساباقتارمەن تولىقتىرۋعا جانە مۇعالىمدەرگە قىزىقتى فاكۋلتاتيۆتى ساباقتار وتكىزۋگە مۇمكىندىك بەرەدى، وندا وقۋشىلار جيدەك، كوكونىس مەن جاسىل جەلەكتى وزدەرى وسىرەدى. وسىلايشا بالالاردىڭ ەكولوگيالىق تانىمى كەڭەيەدى.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششيدوم، #ناسمنوگوگورودودين، #الماتىبىزدىڭورتاقۇيىمىز، #بىزكوپپىزقالاجالعىز.
