پەتروپاۆلدا ەر ادامدى ءۇيدىڭ قابىرعاسى باسىپ قالىپ، مەرت بولدى

پەتروپاۆلدا جەر ءۇيدى بۇزىپ جاتقان ەر ادام قابىرعا قۇلاعان قابىرعا استىندا قالىپ قازا تاپتى، - دەپ حابارلايدى “ادىرنا” ۇلتتىق پورتالى. وقيعا 23 ءساۋىر كۇنى ءتۇس اۋا بولعان. ەر ادام بۇزىلىپ جاتقان ءۇيدىڭ جانىندا تۇرعانىندا ونىڭ ۇستىنە قابىرعا قۇلاعان. «23 ءساۋىر كۇنى ساعات 15:00-دە پەتروپاۆلداعى پارتيزانسكايا كوشەسىندە 49 جاستاعى ەر ادامدى قابىرعا باسىپ قالعانى تۋرالى تەلەفون حابارلاماسى كەلىپ ءتۇستى، ول وقيعا ورنىندا قايتىس بولدى»، - دەپ ءتۇسىندىردى وبلىستىق پوليتسيا دەپارتامەنتىنىڭ ءباسپاسوز قىزمەتى. ۆەدومستۆونىڭ ءباسپاسوز حاتشىسى ءمادينا ەرعاليەۆانىڭ ايتۋىنشا، بۇل دەرەك «تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىمىنە ەنگىزىلگەن.