الەۋمەتتىك جەلى قولدانۋشىسى ورازبەك سادىقوۆ تارازدىق يمامنىڭ ساداقاعا تۇسكەن قاراجاتقا قىمبات كولىك ساتىپ العانىن ايتتى، دەپ حابارلايدى «ادىرنا» ءتىلشىسى.
«مىنە، كورىڭىزدەر، مەشىتكە بەرگەن ءپىتىر ساداقا، باسقا ساداقالار، قاي جاققا كەتىپ جاتىر.. جەتىمدەرگە ەمەس، مۇگەدەكتەرگە ەمەس، قينالىپ جاتقان جانۇيالارعا ەمەس، سۋ تاسقىننان زارداپ شەككەندەرگە ەمەس. مولدالار سەمىرگەننەن سوڭعى ۇلگىدە شىققان Lexus كولىگىن الىپ جاتىر. VIP ءنومىرىنىڭ ءوزى 5000 دوللار تۇرادى دەيدى. بۇلار دا شەنەۋنىكتەردىڭ ءبىر ءتۇرى عوي»،—دەپ جازدى قازنەت قولدانۋشىسى.
قمدب NewTimes.kz اگەنتتىگىنە ۆيدەوداعى ءدىن قىزمەتكەرىنىڭ «ءال-ءادىل» مەشىتىنىڭ يمامى ەكەنىن راستادى. الايدا اتالعان قىمبات كولىكتىڭ ءدىن قىزمەتكەرىنىكى ەمەستىگىن مالىمدەدى.
«رامازان ايىندا كوپتەگەن قازاقستاندىق مەشىتتەردە قايىرىمدىلىق شارالارىن وتكىزەدى. بەينەجازبادا كورسەتىلگەن كولىك كەلۋشىلەردىڭ بىرىنە تيەسىلى»،—دەدى باسقارما.
