Áleýmettik jeli qoldanýshysy Orazbek Sadyqov tarazdyq ımamnyń sadaqaǵa túsken qarajatqa qymbat kólik satyp alǵanyn aıtty, dep habarlaıdy «Adyrna» tilshisi.
«Mine, kórińizder, meshitke bergen pitir sadaqa, basqa sadaqalar, qaı jaqqa ketip jatyr.. Jetimderge emes, múgedekterge emes, qınalyp jatqan januıalarǵa emes, sý tasqynnan zardap shekkenderge emes. Moldalar semirgennen sońǵy úlgide shyqqan Lexus kóligin alyp jatyr. VIP nómiriniń ózi 5000 dollar turady deıdi. Bular da sheneýnikterdiń bir túri ǵoı»,—dep jazdy qaznet qoldanýshysy.
QMDB NewTimes.kz agenttigine vıdeodaǵy din qyzmetkeriniń «ál-Ádil» meshitiniń ımamy ekenin rastady. Alaıda atalǵan qymbat kóliktiń din qyzmetkeriniki emestigin málimdedi.
«Ramazan aıynda kóptegen qazaqstandyq meshitterde qaıyrymdylyq sharalaryn ótkizedi. Beınejazbada kórsetilgen kólik kelýshilerdiń birine tıesili»,—dedi basqarma.
