سۋ تاسقىنىنان كەيىن 37 مىڭعا جۋىق ادام ۇيىنە ورالدى، دەپ حابارلايدى "ادىرنا" ءتىلشىسى.
بۇل تۋرالى قر تجم وكىلى اسقار ءشارىپ بريفينگتە مالىمدەدى.
ازاماتتىق قورعاۋ قىزمەتتەرىمەن اتىراۋ، اقتوبە، باتىس قازاقستان جانە سولتۇستىك قازاقستان وبلىستارىندا سۋ تاسقىنىنا قارسى ءىس-شارالار، سۋ تاسقىنى سالدارىن جويۋ جانە حالىققا كومەك كورسەتۋ بويىنشا جۇمىستار جالعاسىپ جاتىر. قازىر باتىس قازاقستان وبلىسىندا جاعداي تۇراقتالعانى ايتىلدى.
«اتىراۋ وبلىسىنداعى جاعدايعا مونيتورينگ جالعاسىپ جاتىر. سۋ دەڭگەيىنە مونيتورينگ جۇرگىزىلۋدە. سۋ تاسقىنىنان قورعاۋ ماقساتىندا اتىراۋ قالاسىندا بوگەتتەردى نىعايتۋ جۇمىستارى ۇزدىكسىز جۇرگىزىلىپ جاتىر. بۇگىنگى تاڭدا ۇزىندىعى 498 شاقىرىمدى قۇرايتىن بوگەتتەردى نىعايتۋ جۇمىستارى جۇرگىزىلىپ جاتىر»، - دەدى سپيكەر اسقار ءشارىپ.
سولتۇستىك قازاقستان، اتىراۋ جانە اقتوبە وبلىستارىندا 6148 تۇرعىن ءۇي مەن 2 794 اۋلا اۋماعىنان سۋدىڭ باعىتى بۇرىلىپ، سۋ سورىلعان. اپات باستالعالى بەرى 119 220 ادام، ونىڭ ىشىندە 44 776 بالا قۇتقارىلىپ، قاۋىپسىز جەرگە ەۆااكۋاتسيالاندى. بۇگىندە رەسپۋبليكا بويىنشا 36 745 ادام ءوز ۇيىنە ورالدى. ءالى 6 909 ادام ەۆاكۋاتسيالاۋ پۋنكتتەرىندە ەكەنى حابارلاندى.
