اقتوبەدە ءماسليحات دەپۋتاتى سوتتالدى

اقتوبەدە الاياقتىق جاساعان دەپۋتات سوتتالدى، دەپ حابارلايدى "ادىرنا" ۇلتتىق پورتالى. قالالىق سوتتا ميلليونداعان اقشانى قالتاسىنا باسقان ءماسليحات دەپۋتاتىنا قاتىستى ۇكىم شىقتى. سوتتىڭ دەرەگىنشە دەپۋتات 2020 جىلى ءوزىنىڭ شارۋا قوجالىعىنا 1200 باس ءىرى قارا مال ساتىپ الاتىنىن ايتىپ، اگرارلىق نەسيە كورپوراتسياسى ارقىلى 390 ملن تەڭگەنى العان. الايدا انىقتالعانداي ول قاراجات جەكە ماقساتىنا جۇمسالعان. ودان وزگە، ءماسليحات دەپۋتاتى 2021-2022 جىلدارى «اقتوبە وبلىسىنىڭ اۋىل شارۋاشىلىعى باسقارماسىنا» جالعان ءوتىنىم بەرىپ، جوق مالىن بورداقىلاۋعا 67 ملن تەڭگە سۋبسيديا العان. سۋمما ماقساتقا بايلانىستى جۇمسالماعانى انىقتالعان. الاياقتىق جاساعان دەپۋتات 6 جىلعا سوتتالدى.