الماتىدا ءورت شىعىپ، 23 ادام ەۆاكۋاتسيالاندى، قازا تاپقاندار مەن زارداپ شەككەندەر بار، دەپ حابارلايدى "ادىرنا" ۇلتتىق پورتالى توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەپ.
«توتەنشە جاعدايلار دەپارتامەنتىنىڭ 7 تەحنيكالىق قۇرالى 1 مامىر كۇنى ساعات 05.18-دە اۋەزوۆ اۋدانىندا تىركەلگەن، جالپى اۋدانى 30 شارشى مەتردى قامتيتىن ءتورتىنشى قاباتتاعى پاتەر ءورتىن ءسوندىردى»، - دەپ جازدى تجد.
ساعات 05.52-دە ءورت ءسوندىرىلدى. ءۇش تاعاندى باسپالداق پەن قۇتقارۋ تەحنيكاسىنىڭ كومەگىمەن 23 ادام ەۆاكۋاتسيالاندى.
«ءورت بولعان جەردەن 1990 جىلى تۋعان ازامات №7 قالالىق كلينيكالىق اۋرۋحاناعا جاتقىزىلدى، سونىمەن قاتار 1997 جىلى تۋعان ايەلدىڭ دەنەسى تابىلدى»، - دەپ تولىقتىردى تجد.
پوليتسيا وقيعانىڭ ءمان-جايىن انىقتاپ جاتىر. بۇعان دەيىن ءورت كەزىندە ادامدار تەرەزەدەن سەكىرگەنى تۋرالى اقپارات پايدا بولعان.
ءورتتىڭ نەدەن شىققانى جانە وزگە دە دەرەكتەر ازىرگە بەلگىسىز.