العاشقى كەزدەسۋدە جىگىتتىڭ قولىنان قازا تاپقان بويجەتكەننىڭ ولىمىنە قاتىستى سوت ۇكىمى شىقتى، دەپ حابارلايدى "ادىرنا" ۇلتتىق پورتالى.
قايعىلى وقيعا 2023 جىلدىڭ 16 قازانىندا الماتىدا بولعان.
ايناگۇل كەنچەباەۆا ەسىمدى قىز ەر اداممەن تانىسىپ، كافەدە كەزدەسكەن. باق وكىلدەرى قىزدىڭ ءولىمى تۋرالى جارىسا جازعان بولاتىن.
"كافەگە كەلۋشىلەر ەر ادامنىڭ قىزدى دالاعا الىپ شىققانىن كورسە دە، ەشكىم اراشا تۇسپەگەن. قازىر دالادا نە بولعانىن ەشكىم بىلمەيدى. بىراق 20 مينۋت وتكەن سوڭ قىزدىڭ ءوزى شاقىرعان پوليتسەيلەر كەلىپ، ونىڭ ءمايىتىن تاپقان", – دەپ جازدى جۋرناليست.
كەيىننەن ايناگۇل كەنچەباەۆانى جانجال كەزىندە كەزدەسۋگە كەلگەن جىگىت ارىققا يتەرىپ جىبەرگەنى انىقتالدى. بويجەتكەن باس سۇيەك جاراقاتىنان كوز جۇمعان. ەر ادامعا قاتىستى سوت ۇكىمى شىقتى.
ەر ادامنىڭ ۇستىنەن ءىس قوزعالعان. قىلمىستىق كودەكستىڭ 106-بابى بويىنشا "ابايسىزدا كىسى ءولتىرۋ" بابىنا وزگەرىپ، 2,5 جىلعا سوتتالدى.
