1918 جىلى 5 مامىر كۇنى بۇكىلقازاق جاستارىنىڭ سەزىندە «جاس ازامات» جاستار ۇيىمى قۇرىلدى، دەپ حابارلايدى "ادىرنا" ۇلتتىق پورتالى.
106 جىل بۇرىن قۇرىلعان «جاس ازامات» ۇيىمىنىڭ ماقساتى – قازاق جاستارىن بىرىكتىرۋ، ۇلتتىق مۇددەنى قورعاۋ بولاتىن.
«جاس ازامات» - الاش اۆتونومياسىن قولداعان، كەڭەس ۇكىمەتىن ورناتۋعا قارسى كۇرەسۋگە ۇگىتتەگەن ۇيىم. 1918 جىلى 5–13 مامىر ارالىعىندا ومبى قالاسىندا وتكەن جالپىقازاق جاستارىنىڭ سەزىندە بارلىق قازاق جاستارى بىرىككەن.
ۇيىمنىڭ باسقارماسى دا وسى سەزدە سايلاندى. توراعالىققا – م.مىرزاۇلى، باسقارما مۇشەلىگىنە – س.سادۋاقاسوۆ، م.سەيىتوۆ، گ.دوسىمبەكوۆا، ا.ءبايدىلدين بەكىتىلدى.
ال ۇيىمنىڭ ورگانى – “جاس ازامات” گازەتىنىڭ جاۋاپتى شىعارۋشىسى بولىپ ق.كەمەڭگەروۆ تاعايىندالعان بولاتىن. ال "جاس ازامات" گازەتى پەتروپاۆلدا جاريالانىپ تۇرعان الاششىل قازاق جاستارىنىڭ تۇڭعىش گازەتى. 1918 جىلى 30 شىلدەدە 1-سانى شىققان. بىزگە بەلگىلى 22-ءنومىرى 1919 جىلى 8 اقپاندا جارىق كورگەن.
