1918 jyly 5 mamyr künı Bükılqazaq jastarynyŋ sezınde «Jas azamat» jastar ūiymy qūryldy, dep habarlaidy "Adyrna" ūlttyq portaly.
106 jyl būryn qūrylǧan «Jas azamat» ūiymynyŋ maqsaty – qazaq jastaryn bırıktıru, ūlttyq müddenı qorǧau bolatyn.
«Jas azamat» - Alaş avtonomiiasyn qoldaǧan, Keŋes ükımetın ornatuǧa qarsy küresuge ügıttegen ūiym. 1918 jyly 5–13 mamyr aralyǧynda Omby qalasynda ötken jalpyqazaq jastarynyŋ sezınde barlyq qazaq jastary bırıkken.
Ūiymnyŋ basqarmasy da osy sezde sailandy. Töraǧalyqqa – M.Myrzaūly, basqarma müşelıgıne – S.Saduaqasov, M.Seiıtov, G.Dosymbekova, Ä.Baidıldin bekıtıldı.
Al ūiymnyŋ organy – “Jas azamat” gazetınıŋ jauapty şyǧaruşysy bolyp Q.Kemeŋgerov taǧaiyndalǧan bolatyn. Al "Jas azamat" gazetı Petropavlda jariialanyp tūrǧan alaşşyl qazaq jastarynyŋ tūŋǧyş gazetı. 1918 jyly 30 şıldede 1-sany şyqqan. Bızge belgılı 22-nömırı 1919 jyly 8 aqpanda jaryq körgen.
Ūqsas jaŋalyqtar
