مەرەكە قارساڭىندا قازاق باتىرى راقىمجان قوشقارباەۆتىڭ ەسىمى مەكتەپكە بەرىلدى، دەپ حابارلايدى "ادىرنا" ۇلتتىق پورتالى 24.kz-كە سىلتەمە جاساپ.
بيىل رەيحستاگقا جەڭىس تۋىن تىككەن داڭقتى باتىردىڭ تۋعانىنا 100 جىل بولعان. وتان قورعاۋشىلار مەرەكەسى قارساڭىندا ەلورداداعى №44 ءبىلىم ورداسىنا حالىق قاھارمانى راقىمجان قوشقارباەۆتىڭ ەسىمى بەرىلگەن. بۇل مەكتەپتە مەموريالدى ەسكەرتكىش تاقتا مەن اسكەري سىنىپ اشىلدى.
«وتان ءۇشىن وتقا ءتۇس، كۇيمەيسىڭ» دەگەن قازاقتا ماقال بار. سول سياقتى ءبىزدىڭ ميسسيامىز – وسكەلەڭ ۇرپاقتارىمىزدى پاتريوتتىق تاربيەگە باۋلۋ، - دەدى ر.قوشقارباەۆ اتىنداعى №44 مەكتەپ ديرەكتورى ءلاززات قۇلتاەۆا.
ايتا كەتەيىك، 1945 جىلى 30 ءساۋىر كۇنى بارلاۋ ۆزۆودىنىڭ كومانديرى، لەيتەنانت راقىمجان قوشقارباەۆ، قاتارداعى بارلاۋشى گريگوري بۋلاتوۆپەن بىرگە جاۋدىڭ مەكەنى رەيحستاگقا ءوتىپ، باس عيماراتتىڭ الدىنا ءوز باتالونىنىڭ تۋىن تىككەن. رەيحستاگتا جەلبىرەگەن بۇل تۋ جەڭىستىڭ العاشقى بەلگىسى اتاندى.
بۇگىندە ەلىمىزدە ءىىى دارەجەلى ايبىن وردەنى ەندى راقىمجان قوشقارباەۆ ەسىمىمەن اتالاتىن بولدى.
