Mereke qarsańynda qazaq batyry Raqymjan Qoshqarbaevtyń esimi mektepke berildi, dep habarlaıdy "Adyrna" ulttyq portaly 24.kz-ke silteme jasap.
Bıyl Reıhstagqa jeńis týyn tikken dańqty batyrdyń týǵanyna 100 jyl bolǵan. Otan qorǵaýshylar merekesi qarsańynda elordadaǵy №44 bilim ordasyna Halyq qaharmany Raqymjan Qoshqarbaevtyń esimi berilgen. Bul mektepte memorıaldy eskertkish taqta men áskerı synyp ashyldy.
«Otan úshin otqa tús, kúımeısiń» degen qazaqta maqal bar. Sol sııaqty bizdiń mıssııamyz – óskeleń urpaqtarymyzdy patrıottyq tárbıege baýlý, - dedi R.Qoshqarbaev atyndaǵy №44 mektep dırektory Lázzat Qultaeva.
Aıta keteıik, 1945 jyly 30 sáýir kúni barlaý vzvodynyń komandıri, leıtenant Raqymjan Qoshqarbaev, qatardaǵy barlaýshy Grıgorıı Býlatovpen birge jaýdyń mekeni Reıhstagqa ótip, bas ǵımarattyń aldyna óz batalonynyń týyn tikken. Reıhstagta jelbiregen bul tý jeńistiń alǵashqy belgisi atandy.
Búginde elimizde III dárejeli Aıbyn ordeni endi Raqymjan Qoshqarbaev esimimen atalatyn boldy.
