مادەنيەت جانە اقپارات مينيسترلىگىنىڭ قولداۋىمەن batyrlargatagzym.kz پورتالى ىسكە قوسىلدى. بۇل تۋرالى مينيسترلىكتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
سايت ەكىنشى دۇنيەجۇزىلىك سوعىقسا قاتىسقان قازاقستاندىق ارداگەرلەر تۋرالى مالىمەتتەرمەن تولتىرىلعان اقپاراتتىق رەسۋرستى ۇسىنادى.
جوبانىڭ باستى ماقساتى – ءار باتىردىڭ تاريحتا لايىقتى تانىلۋىن قامتاماسىز ەتۋ.
ء“تۇرلى اقپارات كوزدەرىنەن اقپارات جيناعان سايت قازاقستاندىقتاردىڭ مايدانداعى ەرلىگىنىڭ ماڭگىلىك ەسكەرتكىشى بولىپ سانالادى. مادەنيەت جانە اقپارات مينيسترلىگى پيلوتتىق جوبانى 2023 جىلى ىسكە قوستى جانە ول بىردەن ازاماتتىق قوعام مەن ەرىكتىلەردىڭ ۇلكەن قىزىعۋشىلىعىنا يە بولدى. بۇگىنگى كۇنى پورتالدىڭ فۋنكتسيونالى كەڭەيتىلىپ، دەرەكتەر تولىققاندى جۇيەلەندى. پورتال ءبىر جىلدىڭ ىشىندە، ياعني ۇلى وتان سوعىسىنىڭ 80 جىلدىعىنا وراي بارلىق قازاقستاندىق ارداگەر تۋرالى دەرەكتەردى بىرىكتىرەتىن اقپاراتتىق ينتەراكتيۆتى جۇيەگە دەيىن جەتىلدىرىلەدى”، دەلىنگەن حابارلامادا.
سونداي-اق، جوبانى جۇزەگە اسىرۋعا ۇكىمەتتىك ەمەس ۇيىمدار مەن ەرىكتىلەر قاتىستى.
ءاربىر قازاقستاندىق سوعىس ارداگەرلەرى تۋرالى قوسىمشا اقپارات بەرۋ ارقىلى بۇل جوباعا ءوز ۇلەسىن قوسا الادى. كەز كەلگەن ادام جەكە وتباسىلىق مۇراعاتتاردا ساقتالعان قۇجاتتاردى جوباعا كوشىرۋگە بەرۋ ارقىلى سايتتى تولىقتىرۋعا كومەكتەسۋ مۇمكىندىگىنە يە بولادى. بۇل فوتوسۋرەتتەر، قۇجاتتار، مايداننان كەلگەن حاتتار جانە باسقا ماتەريالدار بولۋى مۇمكىن.
