الماتىدا جاس جىگىت تۇرعىن ءۇي كەشەنىنىڭ ماڭىندا جاسى ۇلكەن كۇزەتشىگە شابۋىل جاسادى. بۇل تۋرالى جەلىدە ۆيدەو تارادى، دەپ حابارلايدى “ادىرنا” ۇلتتىق پورتالى.
وقيعا "ستوليچنىي" تۇرعىن ءۇي كەشەنىنىڭ ماڭىندا تۇسىرىلگەن. كادرلاردان ەر ادام كولىكتەن ءتۇسىپ، اۋەلى ونى يتەرىپ، سوسىن قارت كۇزەتشىنىڭ ىشىنەن ۇرعانىن كورۋگە بولادى.
كۋاگەرلەر مۇنى توقتاتۋ ءۇشىن بىردەن جاندارىنا بارعان. جۇرگىزۋشىنىڭ بۇل ارەكەتىنە دەيىن نە بولعانى ايتىلمايدى.
الماتى پوليتسيا دەپارتامەنتىنىڭ ءباسپاسوز قىزمەتى ۆيدەوعا قاتىستى تۇسىنىك بەردى.
"وسى فاكتى بويىنشا تەكسەرۋ جۇرگىزىلىپ جاتىر. قۇقىق بۇزۋشى ۇستالدى. ونىڭ ءىس-ارەكەتتەرىنە قۇقىقتىق باعا بەرىلەدى. ەر ادام العان دەنە جاراقاتتارىنىڭ اۋىرلىق دارەجەسىن انىقتاۋ ماقساتىندا سوت-مەديتسينالىق ساراپتاما تاعايىندالدى", - دەلىنگەن حابارلامادا.
