كۋرسك وبلىسىنداعى مۇناي بازاسىنا ۇشقىشسىز دروندار شابۋىل جاسادى، دەپ حابارلايدى "ادىرنا" ۇلتتىق پورتالى dw.com-عا سىلتەمە جاساپ.
شابۋىل سالدارىنان ءۇش جانارماي تسيستەرناسى ورتەنگەن. زارداپ شەككەندەر تۋرالى اقپارات تىركەلمەگەن. درونداردىڭ شابۋىلى 28 شىلدە كۇنى تۇنگى ساعات ءبىر شاماسىندا كۋرسك قالاسىنان 22 شاقىرىم جەردە ورنالاسقان پولەۆايا اۋىلىندا بولعان.
كۋرسك وبلىسىندا تۇندە اۋە شابۋىلىنا قارسى قورعانىس كۇشتەرى ەكى ۇشاق ءتيپتى ۇشقىشسىز ۇشاقتى جويعانىن حابارلادى. ونىڭ ايتۋىنشا، سونىڭ سالدارىنان مەدۆەنكا اۋىلىنداعى ۇيلەردىڭ بىرىندە ءورت تە شىققان.
رەسەي قورعانىس مينيسترلىگى تۇندە رەسەي فەدەراتسياسىنىڭ نيجني نوۆگورود وبلىسىنىڭ ۇستىندە دە ەكى ۋكرايندىق ۇشقىشسىز ۇشاعى جويىلعانىن حابارلادى.
«ونەركاسىپتىك نىساندار قالىپتى رەجيمدە جۇمىس ىستەۋدە»، - دەپ ناقتىلادى وبلىس اكىمدىگىنىڭ ءباسپاسوز قىزمەتى.
ايتا كەتەيىك، باق-تا رەسەيدىڭ ۋكراينانىڭ 11 وبلىسىنىڭ اۋماعىن 24 ساعات ىشىندە مينومەتتەر، تانك، ارتيللەريا جانە زىمىراندىق قوندىرعىلارمەن اتقىلاعانى ايتىلدى. ۋكراينا قورعانىس مينيسترلىگى شابۋىل سالدارىنان 114 ەلدى مەكەن مەن 145 ينفراقۇرىلىم نىسانى ورتكە ورانعانىن، جەرگىلىكتى تۇرعىنداردىڭ قايتىس بولعانىن حابارلادى.
«ولگەن جانە جارالانعان بەيبىت تۇرعىندار بار، قۇرباندار سانى انىقتالۋدا»، - دەلىنگەن ۋكراينانىڭ مالىمدەمەسىندە.
ۇقساس جاڭالىقتار
