نۇر-سۇلتاندا Nur Otan پارتياسىنىڭ توراعاسى، ەلباسى نۇرسۇلتان نازارباەۆتىڭ قاتىسۋىمەن ساياسي كەڭەستىڭ كەڭەيتىلگەن وتىرىسى وتۋدە.
جيىن بارىسىندا پارتيانى “قايتا جۇكتەۋ” باعدارلاماسى تالقىلانادى دەگەن جوسپار بار. بۇدان بولەك، ساياسي كەڭەستىڭ بيۋروسىنا جاڭا مۇشەلەر قابىلدانادى.“بۇگىن ءبىز ەل دامۋىنىڭ نەگىزگى باعىتتارى بويىنشا ءبىراز ماسەلە جونىندە ءسوز كوتەرەتىن بولامىز. سول ءۇشىن ساياسي كەڭەستىڭ كەڭەيتىلگەن وتىرىسىنا جينالىپ وتىرمىز. بيىل پارتيامىز ءۇشىن اۋقىمدى جۇمىس اتقارىلىپ جاتقانىن بىلەمىز. ەكى سەزد وتكىزدىك. پارتيامىزدىڭ 20 جىلدىعىن وتكىزدىك. ماۋسىم ايىندا پرەزيدەنت سايلاۋىندا ءبىزدىڭ كانديداتىمىز – قاسىم-جومارت كەمەلۇلى توقاەۆ جەڭىسكە جەتتى. حالىق ءبىزدىڭ جۇمىسىمىزدىڭ ناتيجەسىن كورىپ جاتىر”، – دەدى نازارباەۆ.
پارتيا توراعاسىنىڭ ايتۋىنشا، جاڭا ساياسي جاعدايدا پارتيانىڭ ءرولى ارتىپ وتىر. وسىعان وراي بۇگىنگى كەڭەستە الداعى ماقساتتاردى تالقىلاۋ جوسپارلانىپ وتىر.
ء“بىز ءوز باستامالارىن ۇسىناتىن بەلسەندى ازاماتتاردى، بلوگەرلەردىڭ ءبارىن كورەمىز، ەستيمىز. ءوز ەلىنە شىنىمەن جانى اشىسا، ءبىز ولاردى بىرگە جۇمىس ىستەۋگە شاقىرامىز. ءوز يدەيالارىن Nur Otan پارتياسى اياسىندا جۇزەگە اسىرا الادى”، – دەدى نازارباەۆ.
دەرەككوز: sputniknews.kz
"ادىرنا" ۇلتتىق پورتالى
