Nazarbaev: “El "Nur Otan" atqarǵan jumystyń jemisin jep otyr”

3323
Adyrna.kz Telegram

Nur-Sultanda Nur Otan partııasynyń tóraǵasy, Elbasy Nursultan Nazarbaevtyń qatysýymen Saıası keńestiń keńeıtilgen otyrysy ótýde. 

 

Jıyn barysynda partııany “qaıta júkteý” baǵdarlamasy talqylanady degen jospar bar. Budan bólek, Saıası keńestiń bıýrosyna jańa músheler qabyldanady.

“Búgin biz el damýynyń negizgi baǵyttary boıynsha biraz másele jóninde sóz kóteretin bolamyz. Sol úshin saıası keńestiń keńeıtilgen otyrysyna jınalyp otyrmyz. Bıyl partııamyz úshin aýqymdy jumys atqarylyp jatqanyn bilemiz. Eki sezd ótkizdik. Partııamyzdyń 20 jyldyǵyn ótkizdik. Maýsym aıynda prezıdent saılaýynda bizdiń kandıdatymyz – Qasym-Jomart Kemeluly Toqaev jeńiske jetti. Halyq bizdiń jumysymyzdyń nátıjesin kórip jatyr”, – dedi Nazarbaev.

Partııa tóraǵasynyń aıtýynsha, jańa saıası jaǵdaıda partııanyń róli artyp otyr. Osyǵan oraı búgingi keńeste aldaǵy maqsattardy talqylaý josparlanyp otyr.

Otyrys baǵdarlamasyna sáıkes, Úkimet basshysy Asqar Mamın partııanyń saılaýaldy baǵdarlamasyn iske asyrý boıynsha esep beredi.

Odan keıin partııa tóraǵasynyń orynbasary Baýyrjan Baıbek partııany “qaıta júkteýdiń” negizgi baǵyttary týraly aıtyp beredi.

Aıta keteıik, 16 tamyzda Nur Otan partııasynyń saıası keńesi bıýrosynyń jabyq otyrysy ótken bolatyn. Oǵan Elbasy Nursultan Nazarbaev pen memleket basshysy Qasym-Jomart Toqaev qatysty.

Osy jıynda Nazarbaev partııanyń májilis saılaýyna daıyndyq sharalaryn kúsheıtýdi tapsyrǵan. Saılaý Konstıtýııada kórsetilgen merzimde ótedi. Budan bólek, Qazaqstannyń tuńǵysh prezıdenti eline jany ashıtyn qazaqstandyqtarǵa úndeý jasaǵan bolatyn.

“Biz óz bastamalaryn usynatyn belsendi azamattardy, blogerlerdiń bárin kóremiz, estımiz. Óz eline shynymen jany ashysa, biz olardy birge jumys isteýge shaqyramyz. Óz ıdeıalaryn Nur Otan partııasy aıasynda júzege asyra alady”, – dedi Nazarbaev.

Derekkózsputniknews.kz

"Adyrna" ulttyq portaly

Pikirler