اتىراۋدا ايەل 8-قاباتتان قۇلاپ، قازا تاپتى، دەپ حابارلايدى "ادىرنا" ۇلتتىق پورتالى Massaget.kz-كە سىلتەپ.
جەرگىلىكتى ارنالاردىڭ بىرىندە قايعىلى وقيعا تۋرالى اقپارات پايدا بولدى. جەلىدە تاراعان اقپاراتتا ايەلدىڭ جاسى 30-دا بولعانى، ول وقيعا ورنىندا كوز جۇمعانى ايتىلادى.
اتىراۋ وبلىستىق پوليتسيا دەپارتامەنتى جاعدايعا قاتىستى تۇسىنىكتەمە بەردى.
1979 جىلى تۋعان ايەل 9 قاڭتاردا ساعات 11:00 شاماسىندا الماگۇل شاعىن اۋدانىنداعى كوپقاباتتى ۇيلەردىڭ ءبىرىنىڭ 8-قاباتىنان قۇلاعان.
"ايەلدىڭ ولىمىنە قاتىستى قر قىلمىستىق كودەكسىنىڭ 105-بابىمەن قىلمىستىق ءىس تىركەلدى. وقيعانىڭ ءمان-جايى تەكسەرىلىپ، تەرگەۋ جۇرگىزىلىپ جاتىر", - دەپ جازىلعان جاۋاپتا.
ۇقساس جاڭالىقتار
