قىتاي قۇراماسىنىڭ مۇشەسى اقنار اداققىزى حاربيندە ءوتىپ جاتقان IX قىسقى ازيا ويىندارىندا التىن مەدال جەڭىپ الدى، دەپ حابارلايدى “ادىرنا” ۇلتتىق پورتالى.
ول كونكيمەن جۇگىرۋدەن ايەلدەر اراسىنداعى كوماندالىق ءىز قۋ جارىسىنىڭ فينالىندا حان مەي جانە يان بينيۋيمەن بىرگە قىتاي قۇراماسىنىڭ ساپىندا ونەر كورسەتىپ، قارسىلاستارىنان وزىپ شىقتى. جەڭىمپاز كوماندانىڭ ناتيجەسى – 3 مينۋت 02.75 سەكۋند.
بۇل سايىستا جاپونيا قۇراماسى كۇمىس، ال وڭتۇستىك كورەيا كومانداسى قولا مەدال ەنشىلەدى.
اقنار اداق – قىتايدىڭ شىڭجاڭ ولكەسى، قۇتىبي اۋدانىندا دۇنيەگە كەلگەن ەتنيكالىق قازاق.
اقنار اداقتىڭ بۇل جەڭىسى قازاقستاندىق سپورتسۇيەر قاۋىم ءۇشىن دە ۇلكەن قۋانىش بولدى. الەۋمەتتىك جەلى قولدانۋشىلارى جەڭىمپازدى قۇتتىقتاپ، پىكىر جازعان.
