قازاقستاندىقتارعا بەرىلەتىن 10 سوتتىق تەگىن جەر ەندى تەك ينفراقۇرىلىم جۇرگىزىلگەن تەلىمدەردەن عانا بەرىلەدى، دەپ حابارلايدى “ادىرنا” ۇلتتىق پورتالى Ulysmedia.kz سايتىنا سىلتەپ.
اقپاراتقا سايكەس، سۋ مەن جارىق تارتىلماعان ۋچاسكەگە ءۇي سالۋعا رۇقسات جوق.
اۋىل شارۋاشىلىعى مينيسترلىگىنىڭ حابارلاۋىنشا، بۇرىننان كەزەكتە تۇرعان ازاماتتارعا قايتادان ءوتىنىش بەرۋدىڭ قاجەتى جوق، ولاردىڭ كەزەگى ساقتالادى. ءتىزىم جەرگىلىكتى اتقارۋشى ورگاننىڭ اۆتوماتتاندىرىلعان جۇمىس ورنىندا، ەسەپكە قويىلۋىنا قاراي قالىپتاستىرىلادى.
ەرەجەگە سايكەس جەر تەلىمى ءوتىنىش ارنايى ەسەپكە قويىلعاننان كەيىن عانا بەرىلەدى. ال ارنايى ەسەپتى جەرگىلىكتى اتقارۋشى ورگاندار جۇرگىزەدى. ەگەر ءۇي سالىنباسا جەر تەلىمى مەملەكەت مەنشىگىنە قايتارىلادى. بۇل وزگەرىستەر ازاماتتارعا جەر تەلىمىن ءادىل ءارى ماقساتتى تۇردە ۇلەستەرۋ ءۇشىن جاسالىپ وتىرعانىن ايتا كەتكەن ابزال.
بۇرىن مۇنداي تالاپ بولماعان. سول سەبەپتى ەل ازاماتتارى ءوزى قالاعان ايماقتان جەر الۋعا ءوتىنىش بەرگەن جانە ونداي ادامداردىڭ سانى 4 ميلليوننان اسادى. ەندى ءوتىنىش بەرىلگەن ايماقتا ينفراقۇرىلىم جەلىسى جۇرگىزىلمەسە، كەزەك جىلجي بەرەدى.
