الەۋمەتتىك جەلىلەردە الماتىدا جول ورتاسىندا ناماز وقىعان ەر ادامنىڭ بەينەجازباسى تارادى، دەپ حابارلايدى "ادىرنا" ۇلتتىق پورتالى ۇلىسمەدياعا سىلتەپ.
جەلىدەگى بەينەدەن ەر ادامنىڭ ءدال جول ۇستىندە ناماز وقىپ تۇرعانىن كورۋگە بولادى. قالالىق پد ەر ادامنىڭ جول قوزعالىسى ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتىلعانىن حابارلادى.
"الەۋمەتتىك جەلىلەردىڭ مونيتورينگى بارىسىندا جول قوزعالىسى ەرەجەلەرىن بۇزۋ فاكتىسى انىقتالدى. جولعا شىعىپ ناماز وقىعان الماتى تۇرعىنى كولىك قوزعالىسىنا كەدەرگى كەلتىردى. اتالعان فاكتى بويىنشا جەرگىلىكتى پوليتسيا قىزمەتى تەكسەرۋ جۇرگىزدى. 1992 جىلى تۋعان ازامات س. جول ەرەجەسىن بۇزعانى ءۇشىن اكىمشىلىك جاۋاپكەرشىلىككە تارتىلدى", - دەلىنگەن حابارلامادا.
ۇقساس جاڭالىقتار
