اقش ەڭبەك مينيسترلىگى شەتەلدىك كومەككە بولىنگەن 38 ميلليون دوللارلىق گرانتتاردى جويدى، ونىڭ ىشىندە وزبەكستاننىڭ ماقتا ونەركاسىبىنە قاتىستى جوبا دا بار. بۇل تۋرالى مينيسترلىكتىڭ باسشىسى لوري چاۆەس-دەرەمەر مالىمدەدى، دەپ حابارلايدى "ادىرنا" ۇلتتىق پورتالى.
ءمينيستردىڭ ايتۋىنشا، بۇل قارجى اقش-تىڭ ىشكى باسىمدىقتارىنا قايتا باعىتتالۋى ءتيىس.
جويىلعان جوبالاردىڭ ىشىندە "وزبەكستاننىڭ ماقتا ونەركاسىبىندە اشىقتىق پەن ەسەپتىلىكتى ارتتىرۋ" باعدارلاماسى دا بار. بۇل جوباعا 2022 جىلى 2 ميلليون دوللار بولىنسە، 2025 جىلى تاعى 1 ميلليون دوللار ءبولۋ جوسپارلانعان ەدى.
باعدارلاما 2022 جىلدىڭ تامىز ايىندا باستالىپ، 2026 جىلدىڭ جەلتوقسانىندا اياقتالۋى ءتيىس بولعان. ونىڭ باستى ماقساتى - ەڭبەك جاعدايلارىن جاقسارتۋ، ءماجبۇرلى ەڭبەكتى جويۋ، حالىقارالىق ەڭبەك ستاندارتتارىن ەنگىزۋ.
الايدا جوبا اقش-تىڭ جاڭا ساياسي باسىمدىقتارىنا سايكەس جابىلدى.
Politico باسىلىمىنىڭ مالىمەتىنشە، اقش ۇكىمەتى جالپى سوماسى 27 ميلليارد دوللاردى قۇرايتىن 5300-دەن استام حالىقارالىق گرانتتار مەن كەلىسىمدەردى جويدى.
بىراق اقش-تىڭ ۇلتتىق مۇددەلەرىنە سايكەس كەلەتىن 900-گە جۋىق باعدارلاماعا قارجىلاندىرۋ جالعاسادى.و
ۇقساس جاڭالىقتار
