قازاقستان پرەزيدەنتى قاسىم-جومارت توقاەۆ پەن تۇركيا پرەزيدەنتى رەجەپ تايىپ ەردوعان تەلەفون ارقىلى سويلەستى، دەپ حابارلايدى “ادىرنا” ۇلتتىق پورتالى.
مەملەكەت باسشىلارى ءبىر-ءبىرىن ورازا ايت مەرەكەسىمەن قۇتتىقتاپ، ەكى باۋىرلاس ەلدىڭ حالقىنا بەيبىتشىلىك، بەرەكە جانە وركەندەۋ تىلەدى.
اڭگىمەلەسۋ بارىسىندا قازاق-تۇرىك ستراتەگيالىق ارىپتەستىگىن ودان ءارى نىعايتۋعا دەگەن بەرىك ۇستانىم راستالدى.
رەسمي مالىمدەمەدە ەكى ەل اراسىنداعى ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى ىلگەرىلەتۋگە ىقپال ەتەتىن جوعارى دەڭگەيدەگى ساياسي ديالوگتى بەلسەندى تۇردە جالعاستىرۋدىڭ ماڭىزدىلىعى اتاپ ءوتىلدى.
مەملەكەت باسشىلارى سونداي-اق حالىقارالىق ۇيىمدار اياسىندا وتەتىن الداعى كەزدەسۋلەردىڭ كەستەسىن تالقىلادى.
ەسكە سالا كەتەيىك، تۇركيادا سوڭعى ۋاقىتتا بيلىككە قارسى ءىرى نارازىلىقتار وتۋدە. ستامبۋلداعى ميتينگىلەرگە ءجۇز مىڭداعان ادام قاتىسقان. نارازىلىقتار بارىسىندا 1900-گە جۋىق ادام ۇستالىپ، ولاردىڭ 260-ى سوت شەشىمىن كۇتىپ قاماۋدا وتىر. جەرگىلىكتى بيلىك 1 ساۋىرگە دەيىن جينالىستار مەن ميتينگىلەرگە تىيىم سالدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز